دوسرا ٹیسٹ ،نیوزی لینڈ نے پاکستان کو اننگز اور 176 رنز سے شکست دے دی

کرائسٹ چرچ ٹیسٹ میں نیوزی لینڈ نے پاکستان کو اننگز اور 176 رنز کی عبرتناک شکست دےدی ۔ اس شکست کے ساتھ ہی نیوزی لینڈ دو میچون کی ٹیسٹ سیریز میں کلین سوئپ مکمل کرلیا۔

 پاکستانی بیٹنگ لائن ایک بار پھر بری طرح ناکام رہی اور چوتھے روز دوسری اننگز میں صرف 186 رنز پر ہی ڈھیر ہو گئی۔ اوپنر شاہ مسعود نے ایک مرتبہ پھر صفر، عابد علی نے 26، حارث سہیل 15، اظہر علی 37، کپتان محمد رضوان 10 ، فواد عالم 16، فہیم اشرف 28، ظفر گوہر نے 37 رنز بنائے

نیوزی لینڈ نے اپنی پہلی اننگز میں کپتان کین ولیمسن کی ڈبل سنچری کے بدولت رنز کا پہاڑ کھڑا کردیا تھا، کین ولیمسن 238، ہینری نکولس 157 اور ڈیرل مچل نے 102 رنز کی اننگز کھیلی۔ بعد ازاں کیویز نے 659 رنز بنانے کے بعد اننگز ڈیکلیئر کر دی ۔ نیوزی لینڈ کو پاکستان کی پہلی اننگز میں 297 رنز کے جواب میں کرکے 362 رنز کی برتری حاصل تھی

کائیل جیمیسن نے اننگز میں 6 اور میچ میں 11 وکٹیں حاصل کیں، جس پر انہیں مین آف دی میچ جب کہ کپتان کین ولیمسن کو مین آف دی سیریز سے نوازا گیا۔