ٹی ٹوئنٹی ورلڈکپ کے لیے قومی اسکواڈ میں تبدیلیاں،حیدر،سرفراز،فخرکی واپسی

لاہور: چیف سلیکٹر محمد وسیم نے آئی سی سی مینز ٹی ٹوئنٹی ورلڈکپ کے لیے قومی اسکواڈ میں تبدیلیاں کرتے ہوئے حتمی ٹیم کا ا علان کر دیا۔ آئی سی سی ٹی ٹوئنٹی ورلڈ کپ 17 اکتوبر سے 14 نومبر تک متحدہ عرب امارات میں کھیلا جائے گا۔ ایونٹ میں پاکستان اپنا پہلا میچ 24 اگست کو بھارت کے خلاف کھیلے گا جس کے لیے قومی ٹیم میں تبدیلیاں کردی گئیں ہیں۔

چیف سلیکٹر محمد وسیم نے اعلان کیا ہے کہ ورلڈکپ کے لیے قومی اسکواڈ میں شامل اعظم خان، محمد حسنین کی جگہ سرفراز احمد اور حیدرعلی کو اسکواڈ میں شامل کیا گیا ہے جب کہ فخر زمان کو خوشدل شاہ سے تبدیل کرکے پندرہ رکنی اسکواڈ کا حصہ بنایا گیا۔

دوسری جانب کمر کی تکلیف میں مبتلا صہیب مقصود کا اسکواڈ میں برقرار رکھنے کا فیصلہ میڈیکل ایڈوائس پر کیا جائے گا۔ ٹاپ آرڈر بیٹر کی لوئر بیک کا ایم آر آئی اسکین 6 اکتوبر کو کروایا گیا تھا۔ سرفراز احمد، فخر زمان اور حیدر علی کی قومی اسکواڈ میں واپسی ہوئی ہے۔

15 رکنی قومی اسکواڈ

بابر اعظم (کپتان) ،شاداب خان (نائب کپتان)،آصف علی ،فخر زمان ،حیدر علی ،حارث رؤف ،حسن علی، عماد وسیم، محمد حفیظ، محمد نواز،محمد رضوان، سرفراز احمد (وکٹ کیپر) محمد وسیم جونیئر ،شاہین شاہ آفریدی اورصہیب مقصود

ٹریولنگ ریزرو میں خوشدل شاہ ، شاہنواز دھانی اور عثمان قادر کو رکھا گیاہے۔

اسپورٹ اسٹاف

منصور رانا (ٹیم منیجر) ، ثقلین مشتاق (عبوری ہیڈ کوچ) ، شاہد اسلم (اسسٹنٹ ہیڈ کوچ) ، میتھیو ہیڈن (بیٹنگ کنسلٹنٹ) ، ورنن فلینڈر (باؤلنگ کنسلٹنٹ) ، کلف ڈیکن (فزیوتھیراپسٹ) ، ڈریکس سائمن (اسٹرینتھ اور کنڈیشنگ کوچ) ، عبدالمجید (فیلڈنگ کوچ) ، طلحہ اعجاز (ٹیم اینالسٹ) ، کرنل (ر) محمد عمران (سیکورٹی منیجر) ، ابراہیم بادیس (میڈیا اور ڈیجیٹل منیجر) ، ڈاکٹر نجیب سومرو (ٹیم ڈاکٹر) اور ملنگ علی ( ٹیم مساجر) ہوں گے۔)