13 برس بعد ویمن کرکٹ ورلڈ کپ میں پاکستانی ٹیم کی کامیابی

اسلام آباد : پاکستان کا ویمنز ورلڈ کپ میں جیت کے لیے 13 سال کا طویل انتظار اختتام پذیر ہو گیا ہے، پاکستانی ٹیم نے ہیملٹن کے سیڈن پارک میں بارش سے متاثرہ میچ میں ویسٹ انڈیز کو شکست دے دی۔

پاکستان نے ویسٹ انڈیز کو 8 وکٹوں سے ہرا دیا۔ بارش سے متاثرہ میچ میں پاکستان کو 20 اوورز میں 90 رنز کا ہدف ملا، پاکستان کی ندا ڈار نے 4 وکٹیں حاصل کیں۔

https://twitter.com/cricketworldcup/status/1505833611039473667?s=20&t=Za6dPrfAtMqfhtiRGGtXuA
پہلے بیٹنگ کرتے ہوئے ویسٹ انڈیز کی ٹیم کے صرف 3 بیٹرز ڈبل فگرز اننگز کھیل سکیں۔ ڈیانڈرا ڈوٹن نے 27 رنز بنائے جبکہ کپتان اسٹیفنی ٹیلر نے 18 رنز بنائے۔ ایفی فلیچر 12 رنز بنا سکیں۔ پاکستان کی طرف سے ندا ڈار نے 4 اوورز میں 10 رنز دے کر 4 وکٹیں اپنے نام کیں۔ نشرح سندھو، فاطمہ ثنا اور عمیمہ سہیل نے ایک ایک وکٹ حاصل کی۔ جواب میں پاکستان کی طرف سے اوپنر منیبہ علی 37 رنز بنا کر نمایاں رہیں۔ بسمہ معروف کے 20 اور عمیمہ سہیل کے 22 رنز بنائے۔