پی سی بی نےنئے سینٹرل کنٹریکٹ کا اعلان کر دیا

 اسلام آباد:پی سی بی نے کھلاڑیوں کے لیے نئے سینٹرل کنٹریکٹ کا اعلان کر دیا۔بابر اعظم، محمد رضوان اور شاہین شاہ آفریدی کوٹیسٹ اور ون ڈے دونوں طرز کی کرکٹ کے لیے اے کٹیگر ی میں شامل کیاہے ۔حسن علی کوریڈ بال میں بی اور وائیٹ بال میں سی کٹیگری میں شامل کیاگیاہے جبکہ مام الحق کو ریڈ بال میں سی اور وائیٹ بال میں بی کٹیگری دی گئی۔نئے سینٹرل کنٹریکٹ میں 33 کھلاڑی شامل کیاگیاہے ، کپتان با بر اعظم سمیت 5 کھلاڑی ٹیسٹ ،ون ڈے اور ٹی ٹوئنٹی کی اے کٹیگری میں شامل کیاگیاہے۔

نئے سینٹرل کنٹریکٹس کا اعلان چیف سلیکٹر پی سی بی محمد وسیم نے راولپنڈی کرکٹ اسٹیڈیم میں پریس کانفرنس کرتے ہوئے کیا۔10 کھلاڑیوں کو صرف ریڈ بال کا کنٹریکٹ دیا گیا جبکہ 11کھلاڑیوں کو صرف وائیٹ بال کا کنٹریکٹ ملا۔ڈومیسٹک کرکٹ میں عمدہ کارکردگی کا مظاہرہ کرنے والے 7 کھلاڑی ایمرجنگ کٹیگری کا حصہ بن گئے۔

۔اظہر علی ریڈ بال کنٹریکٹ کی اے ، فواد عالم بی جبکہ عبداللہ شفیق، نسیم شاہ اور نعمان علی کو سی کٹیگری میں جگہ دی گئی ہے۔ڈی کٹیگری میں عابد علی، سرفراز احمد، سعود شکیل، شان مسعود اور یاسر شاہ شامل کیاگیاہے ۔ فخر زمان اور شاداب خان وائیٹ بال کنٹریکٹ کی اے کٹیگری ،حارث رؤف بی اور محمد نواز کٹیگری سی کا حصہ ہوں گے ۔آصف علی، حیدر علی، خوشدل شاہ، محمد وسیم جونیئر، شاہنواز دھانی، زاہد محمود اور عثمان قادر ڈی کٹیگری میں شامل جبکہ علی عثمان، حسیب اللہ، کامران غلام، محمد حارث، محمد حریرہ، قاسم اکرم اور سلمان علی آغا کو ایمرجنگ کرکٹر کا کنٹریکٹ دیاگیاہے ۔