ڈپارٹمنٹل کرکٹ بحال، چیئرمین پی سی بی رمیز راجا کو عہدے سے ہٹانے کا فیصلہ

لاہور:مسلم لیگ (ن) کے رہنما رانا مشہود نے رمیز راجا کو چئیرمین پاکستان کرکٹ بورڈ کے عہدے سے ہٹائے جانے کا امکان ظاہرکردیا۔

لاہورمیں میڈیا کے وفد سے گفتگو میں مسلم لیگ (ن) کے رہنما رانا مشہود نے کہا کہ پی ٹی آئی کی حکومت ختم ہونے کے بعد رمیزراجا کو اعلیٰ ظرفی کا مظاہرہ کرتے ہوئے خود ہی پاکستان کرکٹ بورڈ کی سربراہی سے استعفیٰ دے دینا چاہیئے تھا۔

رانا مشہود نے کہا کہ آنے والے دنوں میں رمیز راجاکا کوئی مستقبل نہیں دیکھ رہا، چیزیں جب ٹھیک ہوں گی تو پی س بی کا نیا چئیرمین بھی ضرور آئے گا۔ اس موقع پر رانا مشہود نے کھلاڑیوں کے روزگار کے لیے ڈپارٹمنٹل کرکٹ کی ٹیموں کی بحالی کا بھی یقین دلایا۔