’’2011 کا بدلہ لینا ہے‘‘، شعیب اختر کی ورلڈ کپ میں پاک بھارت فائنل کی پیشگوئی

پاکستان کے سابق فاسٹ بولر شعیب اختر نے پیشگوئی کی ہے کہ ون ڈے ورلڈ کپ 2023 کا فائنل پاکستان اور بھارت کے درمیان کھیلا جائے گا۔

بھارتی میڈیا سے گفتگو کرتے ہوئے راولپنڈی ایکسپریس شعیب اختر نے کہا کہ میں انڈیا بمقابلہ پاکستان کا فائنل دیکھنا چاہتا ہوں، چاہے وہ ممبئی میں کھیل رہے ہوں یا احمد آباد میں۔

شعیب اختر نے کہا کہ ہم نے اس بار بھارت سے 2011 کا بدل لینا ہے۔ ان کا کہنا تھا کہ ون ڈے ورلڈ کپ کے لیے پاکستانی ٹیم کا بھارت آنا خود ٹورنامنٹ سے بڑی خبر ہو گی۔

راولپنڈی ایکسپریس نے کہا کہ دونوں بورڈز حکومت سے مشاورت کے بغیر آپس میں سیریز کھیلنے کا کوئی فیصلہ نہیں کر سکتے۔

شعیب اختر کا کہنا تھا کہ جب بات ہندوستان اور پاکستان کے درمیان سیریز کی بات ہوتی ہے تو ہر کوئی اپنی رائے دیتا ہے۔ میری دونوں طرف کے تمام سابق کھلاڑیوں سے درخواست ہے؛ برائے مہربانی غیر ضروری تبصرے کرنے سے گریز کیا کریں۔