قومی کرکٹ ٹیم کی ناقص کارکردگی، معاملہ پارلیمنٹ تک پہنچ گیا
آگے ورلڈ کپ آنے والا ہے اور گزشتہ کئی سیریز ٹیم ہار چکی ہے، معاملہ کمیٹی میں بھیجا جائے، اس پر بحث اور جائزہ ضروری ہے، سینیٹر فیصل جاوید
اسلام آباد: انگلینڈ کے خلاف ہوم سیریز میں قومی ٹیم کی ناقص کارکردگی کا معاملہ پارلیمنٹ تک پہنچ گیا۔
پاکستان تحریک انصاف کے سینیٹر فیصل جاوید خان نے پاک کرکٹ ٹیم کی خراب کارکردگی کا معاملہ سینیٹ میں اٹھا دیا اور کہا کہ گرین شرٹس کی حالیہ کارکردگی انتہائی مایوس کن ہے، شکایتیں ہیں کہ ٹیم کی سلیکشن میں میرٹ کی دھیجیاں اڑائی گئیں۔
فیصل جاوید نے کہا کہ آگے ورلڈ کپ آنے والا ہے اور گزشتہ کئی سیریز ٹیم ہار چکی ہے، معاملہ کمیٹی میں بھیجا جائے، اس پر بحث اور جائزہ ضروری ہے۔
پاکستان تحریک انصاف کے سینیٹر کی درخواست پر ڈپٹی چئیرمین سینیٹ مرزا محمد آفریدی نے معاملہ متعلقہ کمیٹی کے سپرد کردیا۔
Comments are closed.