شاہین کی گیند سے زخمی ہونیوالے گُرباز سے متعلق افغان کرکٹ بورڈ کا بیان آگیا

کابل : آئی سی سی ٹی ٹوئنٹی ورلڈکپ کے سپر 12 مرحلے سے قبل پاکستان اور افغانستان کے درمیان کھیلے گئے وارم اپ میچ کے دوران زخمی ہونے والے وکٹ کیپر بیٹر بلے باز رحمٰن اللہ گُرباز کی صحت سے متعلق افغان کرکٹ بورڈ نے بیان جاری کیا ہے۔

افغان کرکٹ بورڈ کے مطابق بائیں پاؤں پر گیند لگنے کے بعد گُرباز کو اسکین کے لیے بھیجا گیا تھا گُرباز کے تمام ٹیسٹ کلیئر ہیں اور انہیں ڈاکٹرز نے صحت مند قرار دیا ہے جبکہ ان کے پاؤں کی کوئی ہڈی فریکچر نہیں ہوئی، توقع ہے کہ گُرباز انگلینڈ کے خلاف ہفتے کو ہونے والے میچ کے لیے دستیاب ہوں گے۔

🚨 Update 🚨@RGurbaz_21 was sent for scans after being hit on his left foot during the 🇵🇰 warmup game. Team Doctor stated that the results are clear with no bone fracture.

He will be assessed in the next two days & is expected to be available for our 🏴󠁧󠁢󠁥󠁮󠁧󠁿 fixture on Saturday. pic.twitter.com/XWGsiK8K0a

— Afghanistan Cricket Board (@ACBofficials) October 19, 2022

وارم اپ میچ میں پہلے اوور کی پانچویں گیند پر شاہین نے یارکر کروایا جس پر اوپنر رحمٰن اللہ گرباز آؤٹ تو ہوئے ہی لیکن بدقسمتی سے زخمی بھی ہوگئے۔ میچ ختم ہونے کے بعد شاہین اور بابر گُرباز کی خیریت دریافت کرنے ڈریسنگ روم بھی گئے۔