مودی انسانیت کے نام پردھبہ ہے، جلد ہی نشان عبرت بھی بنے گا، مشال ملک

اسلام آباد: حریت رہنما یاسین ملک کی اہلیہ مشال ملک کا کہنا ہے کہ مودی انسانیت کے نام پر دھبہ بن چکا، جلد ہی نشان عبرت بھی بنے گا۔

مشال ملک نے مقبوضہ کشمیر میں محرم کے جلوسوں پر پابندی اور عزاداروں پر تشدد کی شدید مذمت کرتے ہوئے کہا ہے کہ مودی انسانیت کے نام پر دھبہ بن چکا، جلد ہی نشان عبرت بھی بنے گا۔

حریت رہنما کی اہلیہ کا کہنا تھا کہ جابر اور فسطائی قوتوں کو للکارنا ہی حسینیت ہے۔ مودی انسانیت کے نام پر دھبہ بن چکا ہے۔ مودی سرکار کو نہتے زخمی عزاداروں کے خون کے ایک ایک قطرہ کا حساب دینا ہوگا۔

انہوں نے کہا کہ مودی کے نشان عبرت بننے کا وقت دور نہیں ہے۔ اپنے شوہر یاسین ملک کے حوالے سے ان کا کہنا تھا کہ گزشتہ رات سے کچھ پتا نہیں چل رہا، ان کی زندگی کو لاحق خطرات سے پریشان ہیں۔