آزادکشمیر الیکشن: مریم نواز کے جلسوں کے شیڈول کااعلان

  اسلام آباد:مسلم لیگ نون نے آزاد کشمیرمیں انتخابی مہم کے سلسلے میں مریم نوازکےجلسوں کا شیڈول کااعلان کر دیا۔ شیڈول کے مطابق مسلم لیگ نون کی نائب صدر مریم نواز 8 سے 19جولائی تک آزاد کشمیر کا دورہ کریں گی۔

مریم نواز 8جولائی کو مظفرآباد جبکہ 9 اور 10 جولائی کو نیلم میں خطاب کریں گی۔ 11 جولائی کو ہٹیاں، 13جولائی کو کوٹلی، 14جولائی کو ہجیرہ اور راولاکوٹ میں جلسہ ہوگا۔
15 جولائی کو بلوچ اور پلندری جبکہ 17 جولائی کو بھمبر اور میرپور میں جلسے ہوں گے۔مریم نواز 18جولائی کو باغ، 19 جولائی کو حویلی میں انتخابی جلسوں سے خطاب کریں گی ۔ مسلم لیگ ن آزاد کشمیر الیکشن کمیٹی نے انتظامات شروع کردیئے ہیں۔

الیکشن کمیشن کے مطابق آزاد کشمیر قانون ساز اسمبلی کی 45 نشستوں کے لیے عام انتخابات 25 جولائی کو ہوں گے ۔ رواں الیکشن میں گزشتہ انتخابات کے مقابلے میں 4 انتخابی حلقوں کا اضافہ کیا گیا ہے۔