کورونا کی نئی لہر، تحریک انصاف آزادکشمیر کا عوامی اجتماعات کیلئےضابطہ اخلاق جاری

 تحریک  انصاف  نے  ملک میں کورونا  وباء کی نئی لہر کے پیش نظر  تمام   سیاسی  تقریبات انتہائی مختصر رکھنے  کی ہدایت کر دی ۔ کوئی  بھی  تقریب ڈیڑھ گھنٹے کے اندر ختم کرنا  لازم ہوگا۔ سیاسی تقریبات کا نظم و نسق صدر کی نامزد کردہ کمیٹی کے سپرد ہو گا۔

سیکرٹری اطلاعات ارشاد محمود کے مطابق  پاکستان تحریک انصاف آزادجموں وکشمیر کی کورننگ با ڈی نے متفقہ طور پر سیاسی تقریبات کے انعقاد کے حوالے سے ایس او پیز کی منظوری دی ہے۔ پارٹی کے تمام عہدیداران اور کارکنان کو ایس او پیز پر سختی سے پابندی کرنے کی ہدایت کی گئی ہے۔ ایس او پیز کے مطابق مرکزی تقریبات کا نظم و نسق صدر پی ٹی آئی گورننگ باڈی کے مشورے سے ایک کمیٹی کے سپرد کریں گے جو اسٹیج مینجمنٹ او دیگر انتظامی امور کی ذمہ دار ہوگی۔

سیکرٹری اطلاعات  نے کہاکہ نفرادی سطح پر تقریبات منعقد کرنے والے افراد کو ہدایت کی گئی ہے کہ وہ تقریب سے پہلے مقامی  تنظیمی  عہدیداران کو اعتماد میں لیں۔ پروگرام کا منتظم ہی اس مخصوص تقریب کا مہمان خصوصی ہوگا اور اسی کے  حلقہ انتخاب کو اسٹیج پر جگہ دینے یا خطاب میں ترجیح دی جائے گی۔ اگر اس موقع پر گورننگ باڈی کے ممبران موجود ہوں تو انہیں مناسب احترام اور جگہ دی جائے گی۔

پی ٹی آئی آزاد کشمیر کی قیادت کے دورہ پاکستان میں و آزاد کشمیر یا مہاجرین مقیم پاکستان کے حلقوں کے کسی بھی ضلع کا دورہ کرنے سے پہلے تحریک انصاف آزاد کشمیر کی قیادت کو مقامی پارٹی کے ذریعے آگاہ کرنا ہوگا۔ متعلقہ ضلعی یا تحصیل کے عہدیداران اس دورے کے حوالے سے مقامی سطح پر سرگرمیوں کا اہتمام کریں گے۔

پاکستان تحریک انصاف کے وفاقی وزراء یا مرکزی پارٹی کی قیادت کو آزادکشمیر یا انتخابی حلقوں کا دورہ کرنے کی جو افراد دعوت دینا چاہتے ہیں وہ دورے کے نظام الاوقات کو حتمی شکل دینے سے قبل تحریک انصاف آزاد کشمیر کی قیادت کو اعتماد میں لیں۔ اس کے علاوہ انہیں مقامی سطح پر معاونت فراہم کرنے کے لئے متعلقہ ضلعی تنظیم کو بھی آگاہ کر نا ہوگا ، تفریحی یا شادیوں کے پروگراموں یا ذاتی دور ہ کروانےوالے ہدایات سے مستثنیٰ ہوں گے۔

 مرکزی تنظیم یا اہم سیاسی معاملات کے متعلق تمام امور کے حوالے سے سیکرٹری اطلاعات ارشاد محمود پارٹی کی طرف سے پالیسی بیانات یا سوشل میڈیا کے لئے پوسٹیں اور سٹیٹس جاری کرنے کے ذمہ دار ہوں گے ،تمام مقامی مسائل  پر موقف ضلعی یا مقامی تنظیم کی ذمہ داری ہوگی۔