سردارحسن ابراہیم کی صوبائی وزیر اکبر ایوب کے ہمراہ اسپیکر اسد قیصر سے اہم ملاقات

اسلام آباد
صدر جموں کشمیر پیپلزپارٹی ممبر قانون ساز اسمبلی سردار حسن ابراہیم خان نے اسپیکر قومی اسمبلی۔اسدقیصر سے تفصیلی ملاقات کی ہے۔ ملاقات کے دوران صوبائی وزیر خیبر پختونخواہ اکبر ایوب خان, وزیر قانون و پارلیمانی امور و انسانی حقوق سلطان محمد خان بھی موجود تھے۔
ملاقات میں مقبوضہ کشمیر, پاکستان اور آزاد کشمیر کی  سیاسی صورتحال اور آزادکشمیر کے آمدہ انتخابات پر تفصیلی تبادلہ خیال کیا گیا۔
صدر جموں کشمیر پیپلزپارٹی سردارحسن ابراہیم خان نے اس موقع پر کہا کہ حق خودارادیت کا حصول کشمیریوں کی قربانیوں کا محور ومرکز ہے اور یہی اس مسلئے کا حل ہے۔ جموں کشمیر پیپلزپارٹی حق خودارادیت کے حصول پر یقین رکھتی ہے اور ریاست کے اندر ایک صاف و شفاف سیاسی نظام کے قیام کے لیے جدوجہد کر رہی ہے ۔چاہتے ہیں کہ آزاد کشمیر میں شفاف حکومت جو میرٹ کی بالادستی اور خطے کی ترقی اور مسلہ کشمیر کو عالمی سطح پر اجاگر کرنے کے لیے حقیقی بیس کیمپ کا کردار ادا کرے۔

اس موقع پر اسپیکر قومی اسمبلی نے خطے کے لیے غازی ملت سردار محمد ابراہیم خان کی تاریخ ساز جدوجہد اور سردار خالد ابراہیم کی اصول پسند سیاست کو بھرپور  الفاظ میں خراج تحسین پیش کیا۔