یوتھ پروگرام لائیں گے، نوجوان ساتھ نہ دیتے توحکومت میں نہ ہوتے، وزیراعظم

اسلام آباد: وزیراعظم عمران خان نے عثمان ڈار کو معاون خصوصی برائے امور نوجوانان مقرر کردیا ہے،آئندہ چند روز میں نوجوانوں کیلئے نیاپاکستان یوتھ پروگرام کا آغاز ہوگا۔۔ وزیراعظم کہتے ہیں نوجوان ساتھ نہ دیتے تو حکومت میں نہ ہوتے۔

وزیراعظم کی منظوری کے بعد کابینہ ڈویژن نے عثمان ڈار کے بطور معاون خصوصی تقرری کا نوٹیفیکشن جاری کر دیا ہے۔ وزیراعظم عمران خان سے عثمان نے ڈار نے اسلام آباد میں ملاقات کی، وزیراعظم نے عثمان ڈار کو نوجوانوں کے لئے قومی پالیسی لانے کا ٹاسک سونپتے ہوئے کہا کہ عثمان ڈار نوجوانوں سے متعلق پالیسی کے لئے بہترین انتخاب ہیں۔

ان کا کہنا تھا کہ نوجوانوں کا حکومت سازی میں کردار نہیں بھول سکتے، نوجوان تحریک انصاف کا ساتھ نہ دیتے تو حکومت میں نہ ہوتے۔ وزیراعظم نے کہا کہ نوجوانوں کو ایسی سہولیات دیں گے جو آج سے پہلے نہیں ملیں۔

عثمان نے ڈار نے معاون خصوصی برائے نوجوانان کے عہدے کی تنخواہ نہ لینے کا اعلان کرتے ہوئے کہا کہ وہ قومی خزانے پر بوجھ نہیں بنیں گے۔ وزیراعظم کے وژن کے مطابق نوجوانوں کو با اختیار بنائیں گے،لیپ ٹاپ پر نہیں بلکہ نوجوانوں پر پیسہ خرچ کیا جائے گا

۔