ایک اور لیگی رہنما کو نیب کا بلاوا۔۔۔ ایم این اے محسن شاہنواز رانجھا 16 جون کو طلب

اسلام آباد: پاکستان مسلم لیگ (ن) کے ایک اور رہنما کو نیب نے بلاوا بھیج دیا، قومی احتساب بیورو نے لیگی ایم این اے محسن شاہنواز رانجھا کو آمدن سے زائد اثاثوں کے کیس میں 16 جون کو طلب کر لیا۔

قومی احتساب بیورو (نیب) کی جانب سے جاری نوٹس میں مسلم لیگ (ن) کے رکن قومی اسمبلی محسن شاہنواز رانجھا کو آمدن سے زائد اثاثوں سے متعلق کیس میں پیش ہونے کی ہدایت کی گئی ہے۔

 نیب نے لیگی ایم این اے سے ان کے اثاثہ جات، اپنے اور اہلخانہ کے بینک اکاؤنٹس کی تفصیلات بھی طلب کی ہیں۔قومی احتساب بیورو (نیب) کے نوٹس میں کہا گیا ہے کہ محسن شاہنواز رانجھا 16 جون کو نیب لاہور آفس میں پیش ہوں۔