بھارتی فوج کی بلااشتعال فائرنگ،3 پاکستانی فوجی شہید، جوابی کارروائی سے5 بھارتی فوجی ہلاک

راولپنڈی: مقبوضہ کشمیر میں جاری کشیدگی سے توجہ ہٹانے کے لئے بھارت نے ایک بار پھر لائن آف کنٹرول پر اشتعال انگیزی میں اضافہ کردیا ہے، بھارتی فوج کی بلااشتعال فائرنگ سے 3 پاکستانی فوجی جوان شہید ہوگئے جب کہ جوابی فائرنگ میں 5 بھارتی فوجی بھی مارے گئے۔

In efforts to divert attention from precarious situation in IOJ&K,Indian Army increases firing along LOC.
3 Pakistani soldiers embraced shahadat. Pakistan Army responded effectively. 5 Indian soldiers killed, many injured, bunkers damaged. Intermittent exchange of fire continues. pic.twitter.com/wx1RoYdiKE

— DG ISPR (@OfficialDGISPR) August 15, 2019

پاک فوج کے شعبہ تعلقات عامہ کے مطابق مقبوضہ کشمیر کی کشیدہ صورتحال سے توجہ ہٹانے کے لئے بھارت نے ایل اوسی پر اشتعال انگیزی بڑھا دی ہے ۔ بھارتی فوج نے ایک بار پھر سیز فائر کی خلاف کرتے ہوئے لائن آف کنٹرول کے بٹل سیکٹر پر بلااشتعال فائرنگ کی جس کے نتیجے میں پاک فوج کے 3 جوان شہید ہوگئے، شہدا میں نائیک تنویر، لانس نائیک تیمور اور سپاہی رمضان شامل ہیں۔

آئی ایس پی آر کے مطابق ایل او سی پر فائرنگ کا تبادلہ جاری ہے، پاک فوج کی مؤثرجوابی کارروائی میں 5 بھارتی فوجی بھی ہلاک اور متعدد زخمی ہوئے، جب کہ کئی بھارتی بنکرز بھی تباہ ہوگئے۔