’’بھارتی فوج کشمیری خواتین کب عصمت دری کو ہتھیارکے طورپراستعمال کر رہی ہے‘‘

اسلام آباد: صدر مملکت ڈاکٹر عارف علوی نے کہا ہے کہ مقبوضہ جموں وکشمیر میں قابض افواج عصمت دری کو ہتھیار کے طور پر استعمال کر رہی ہیں’ہیومن رائٹس واچ‘ نے اپنی ایک رپورٹ میں اس ہتھکنڈے کو بے نقاب کیا ہے۔

سماجی رابطوں کی ویب سائٹ ٹویٹر پر جاری ایک بیان میں صدرمملکت نے بھارتی ٹی وی پروگرام کا ایک کلپ ٹیگ کیا ہے جس میں ایک بھارتی ریٹائرڈ فوجی آفیسر ایس پی سنہا جو بھارتیہ جنتا پارٹی کا رہنما ہے، شرمناک طور پر کشمیری خواتین کی عصمت دری کی وکالت کررہا ہے۔

صدر مملکت نے کہا کہ میجر جنرل (ر) ایس پی سنہا ٹی وی پر بیٹھ کرکشمیری خواتین کی عصمت دری کی وکالت کر رہا ہے جس سے بھارتی مقبوضہ کشمیر میں خواتین کے ساتھ سلوک کا اندازہ لگایا جا سکتا ہے جہاں اس قسم کے لوگوں کو وسیع اختیارات دے کر انہیں چھوٹ دی گئی ہے۔

Disgraceful. Maj Gen(R) SP Sinha a leader of BJP advocates rape of Kashmiri women on TV. Imagine the fate of women in Indian Occupied Kashmir where such men wield power with total impunity. Indian forces have used rape as a tool according to HRW report https://t.co/tfKDIjWLib https://t.co/7NBCJ9WvB1

— Dr. Arif Alvi (@ArifAlvi) November 17, 2019

واضح رہے کہ اس پروگرام کے دوران دیگر شرکاء اور خاتون میزبان کے ساتھ اس ریٹائرڈ آرمی آفیسر کا شورشرابا بھی سنا اور دیکھا جا سکتا ہے جس میں وہ بلند آواز میں ایسے خوفناک ریمارکس دے رہا ہے۔

ہیومن رائٹس واچ نے اپنی رپورٹ کا عنوان ”کشمیر میں بھارتی مقدس فوج۔ تنازعہ کو اجاگر کرنے کے لئے تشدد کے نئے طریقے‘‘ دیا ہے جس میں بھارتی قابض افواج کو سنگین نوعیت کی انسانی حقوق کی خلاف ورزیوں کا مرتکب ٹھہرایا گیا ہے۔ رپورٹ میں کہا گیا ہے کہ ایسے واقعات کی عدالت یا میڈیکل حکام کی جانب سے کوئی تحقیقات نہیں کی گئیں۔