جنرل قمرجاوید باجوہ کی ایرانی قیادت سے اہم ملاقاتیں، سیکورٹی صورتحال پر بات چیت

راولپنڈی: پاک فوج کے سربراہ جنرل قمر جاوید باجوہ نے ایرانی صدر حسن روحانی، ایران کی سپریم نیشنل سیکورٹی کونسل کے سیکرٹری ایڈمرل علی شمخانی اور ایرانی ہم منصب میجر جنرل عبد الرحیم موسوی سے ملاقاتیں کی ہیں جس میں خطے کی سیکیورٹی سمیت دیگر معاملات پر بات چیت ہوئی۔

مسلح افواج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے ایرانی صدر حسن روحانی سے ملاقات کی، جس میں پاک ایران سرحدی امور،  علاقائی سلامتی کی صورتحال اور باہمی دلچسپی کے امور پر تبادلہ خیال کیا گیا۔

آئی ایس پی آر کے مطابق ایرانی صدر ڈاکٹر حسن روحانی نے خطے میں امن و استحکام کے لیے پاکستان کے کردار کی تعریف کی اور دہشت گردی کے خلاف پاک فوج کی کامیابیوں کو سراہا۔

COAS met Secretary of Iran's Supreme National Security Council Admiral Ali Shamkhani and Army Chief Major General Abdul Rahim Mousavi.
Regional security environment and bilateral defence cooperation discussed. pic.twitter.com/tPMXgEK6Qy

— DG ISPR (@OfficialDGISPR) November 19, 2019

آرمی چیف جنرل قمر جاوید باجوہ نے ایران کی سپریم نیشنل سیکیورٹی کونسل کے سیکرٹری ایڈمرل علی شمخانی اور ایران کے آرمی چیف میجر جنرل عبد الرحیم موسوی سے بھی ملاقاتیں کی، جس میں خطے کی سیکورٹی  کی صورتحال اور دفاعی تعاون کے فروغ سے متعلق امور پر بات چیت کی گئی۔