نیب نے چیئرمین پیپلز پارٹی بلاول بھٹو زرداری کو 24 دسمبر کو طلب کر لیا

اسلام آباد: قومی احتساب بیورو (نیب) نے پاکستان پیپلز پارٹی کے چیئرمین بلاول بھٹو زرداری کو 24 دسمبر کو طلب کر لیا ہے۔

نیب راولپنڈی نے چیئرمین پیپلز پارٹی بلاول بھٹو زرداری کی 24 دسمبر کو طلبی کے سمن بھجوا دیئے گئے ہیں، بلاول بھٹو کو جے وی اوپل کیس میں طلب کیا گیا ہے۔

ذرائع کا کہنا ہے کہ نیب حکام زرداری گروپ آف کمپنیز کے اکاؤنٹ سے ایک ارب 22 کروڑ روپے کی جے وی اوپل میں منتقلی پر تحقیقات کررہے ہیں اور زرداری گروپ آف کمپنیز کے بلاول بھٹو زرداری  25 فیصد حصص کے مالک ہیں جس پر نیب نے انہیں طلب کیا ہے۔

اس سے قبل بھی بلاول بھٹو پاک لین کمپنی کیس میں نیب کو اپنا بیان ریکارڈ کرا چکے ہیں، تاہم انہوں نے اپنے بیان میں زرداری پاک لین کمپنی کیس میں نیب کے الزامات سے لاتعلقی کا اظہار کیا تھا۔