کسی قسم کی بھارتی جارحیت پر منہ توڑ جواب کے علاوہ ہمارے پاس کوئی آپشن نہیں ہوگا، وزیراعظم

اسلام آباد: وزیراعظم عمران خان نے دنیا کو خبردار کیا ہے کہ اگر بھارت نے اپنے داخلی انتشار سے توجہ ہٹانے کے لیے پاکستان کے خلاف فالس فلیگ آپریشن یا کسی بھی قسم کی جارحانہ کارروائی کی تو بھرپورجواب دیں گے۔

سماجی رابطے کی ویب سائٹ پر جاری ایک بیان میں وزیراعظم عمران خان کا کہنا تھا کہ بھارت میں ہندوتوا اورفسطائی نظریات کا غلبہ ہوتا جارہا ہے، گزشتہ پانچ برسوں کے دوران مودی حکومت میں بھارت ہندوتوا بالادستی کے ساتھ ساتھ ہندو راشٹرا کی طرف بھی بڑھ رہا ہے۔

ان کا کہنا تھا کہ متنازع قانون کے خلاف بھارت کے حق پسند احتجاج کررہے ہیں اوریہ احتجاج اب ایک تحریک کی شکل اختیار کررہا ہے۔بھارتی آرمی چیف کے بیانات جھوٹے فلیگ آپریشن سے متعلق ہمارے خدشات میں اضافہ کررہے ہیں، جارحیت کی صورت میں منہ توڑجواب کے علاوہ ہمارے پاس کوئی آپشن نہیں ہوگا۔

I have been warning the int community of this for some time & am reiterating again: if India does such an operation to divert attention from its domestic chaos plus whip up war hysteria to mobilise Hindu nationalism, Pak will have no option but to give a befitting response.

— Imran Khan (@ImranKhanPTI) December 21, 2019

وزیراعظم عمران خان نے کہا کہ مقبوضہ کشمیرمیں بھارتی قابض فوجوں کا محاصرہ جاری ہے، کشمیر میں کرفیو اور محاصرہ اٹھائے جانے کے بعد وہاں خونی فسادات کا خدشہ ہے، ہم عالمی برادری کوبھارتی رویے سے متعلق متنبہ کررہے ہیں، بھارت نے داخلی بھارت  میں بڑھتے مظاہروں کے ساتھ پاکستان کے لیے خطرات بڑھ رہے ہیں۔