بھارت کورونا کی آڑمیں ہندتوا نظریئےکےتحت کشمیریوں کی نسل کشی اورجنگی جرائم کررہا ہے، وزیراعظم

اسلام آباد: وزیراعظم عمران خان نے کہا ہے کہ مودی سرکار کورونا وباء کی آڑ میں فاشسٹ آر ایس ایس کے ہندوتوا نظریئے کے تحت کشمیریوں کی نسل کشی کر رہا ہے۔

سماجی رابطوں کی ویب سائٹ پر جاری اپنے بیان میں وزیراعظم عمران خان کا کہنا ہے کہ کورونا وباء کی آڑ میں مودی سرکار فاشسٹ آر ایس ایس کے ہندوتوا سوچ پر عمل پیراہے، ہندتوا نظریہ کے تحت بھارت نے مقبوضہ کشمیر میں جنگی جرائم جاری رکھے ہوئے ہے۔

Under cover of COVID19 global pandemic, the Modi Govt with its fascist Hindutva Supremacist RSS-driven ideology continues its war crimes in IOJK as it violates the Fourth Geneva Convention by continuing its genocide of Kashmiris: & by attempting to change https://t.co/ezFAQBhE7I

— Imran Khan (@ImranKhanPTI) April 30, 2020

ان کا کہنا ہے کہ بی جے پی کی حکومت مقبوضہ کشمیر میں معصوم کشمیریوں  کی نسل کشی کے ساتھ ساتھ متنازعہ علاقے میں جغرافیائی تبدیلیاں کر رہی ہے جو کہ جنیوا کنونشن کی خلاف ورزی ہے، اقوام متحدہ جموں و کشمیر کو متنازعہ علاقہ قرار دے چکی ہے۔

وزیراعظم عمران خان نے مطالبہ کیا ہے کہ یہ عالمی برادری کی ذمہ داری ہے کہ وہ بھارت کے مقبوضہ کشمیر میں جنگی جرائم، جنیوا کنونشن کی خلاف ورزی اور انسانی حقوق کی سنگین پامالیوں کا نوٹس لے۔