ارشد شریف قتل کیس کا ٹرائل پاکستان میں ہوسکتا ہے، اسلام آباد ہائیکورٹ

اسلام آباد ہائیکورٹ نے ارشد شریف شہید کی پوسٹ مارٹم رپورٹ ان کی والدہ کو فراہمی کے بعد درخواست نمٹا دی۔چیف جسٹس عامر فاروق نے ریمارکس دیئے ویسے تو ٹرائل بھی پاکستان میں ہوسکتا ہے۔عمران فاروق قتل کیس کا ٹرائل بھی پاکستان میں ہوا تھا۔

چیف جسٹس عامر فاروق نے ارشد شریف کی والدہ کو پوسٹمارٹم حوالے کرنے سے متعلق درخواست پر سماعت کی۔ڈپٹی اٹارنی جنرل نے عدالت کو بتایا کہ ارشد شریف کی والدہ کو رپورٹ فراہم کردی گئی ہے۔عدالت نے استفسار کیا کہ اس کیس سے متعلق پاکستان میں کیا ہورہا ہے؟۔وکیل شعیب رزاق نے بتایا  کہ پاکستان میں بھی ایف آئی آر ہوسکتی ہے۔

جس پر چیف جسٹس عامر فاروق بولے ویسے تو ٹرائل بھی پاکستان میں ہوسکتا ہے۔عمران فاروق قتل کیس کا ٹرائل بھی پاکستان میں ہوا تھا۔وکیل شعیب رزاق نے عدالت کو بتایا کہ ہماری ایک درخوست جوڈیشل کمیشن کے قیام کے لیے بھی زیر التوا ہے۔ابھی پاکستان میں کیس سے متعلق کچھ نہیں ہورہا۔عدالت نے ارشد شریف کی پوسٹ مارٹم رپورٹ انکی والدہ کو فراہم کرنے کے بعد درخواست نمٹا دی۔