ایشیا کپ پھیکا پڑ گیا، بھارت ایونٹ سے باہر

ایشیا کپ سوپر فور مرحلے کے اہم میچ میں سری لنکا نے بھارت کو چھ وکٹوں سے شکست دے کر بھارت کی ٹورنامنٹ کے فائنل تک رسائی تقریبا ناممکن بنا دی ہے۔

دبئی انٹرنیشنل نیشنل کرکٹ اسٹیڈیم میں کھیلے گئے میچ میں سری لنکا نے بھارت کی جانب سے دیا گیا 174 رنز کا ہدف اننگز کے آخری اوور میں حاصل کر لیا۔

اس سے پہلے سری لنکا نے بھارت کے خلاف ٹاس جیت کر فیلڈنگ کا فیصلہ کیا ۔سری لنکن فاسٹ بولرز نے ابتدا میں بھارتی بیٹرز کے لیے مشکلات پیدا کیں، پہلے راہول اور پھر ویراٹ کوہلی کی وکٹیں لے کر بھارت پر دباو بنائے رکھا۔

بھارتی کپتان روہت شرما اور سوریا کمار یادیو نے کاونٹر اٹیک کرتے ہوئے دباو کو ختم کیا اور 93 رنز کی شراکت داری قائم کی۔ روہت شرما نے 72 جب کہ سوریا نے 34 رنز کی اننگز کھیلی۔

سری لنکا کی جانب سے دلشان مدھوشانکا نے تین جب کہ کورنتنے اور شاناکا نے دو دو کھلاڑیوں کو آؤٹ کیا۔

بھارت کا 174 رنز کا ہدف سری لنکا نے آخری اوور میں حاصل کر لیا، سری لنکا کی جانب سے کوشال مینڈس نے شاندار 57 اور پاتھم نیسنکا نے 52 رنز کی عمدہ اننگز کھیلی، سری لنکن کپتان داسن شناکا نے ناقابل شکست 32 رنز کی اننگز کھیلی

ایشیا کپ میں کل پاکستان اور افغانستان کے درمیان میچ ہوگا پاکستان کی جیت کی صورت میں بھارت ممبئی ایئرپورٹ کی ٹکٹ کٹائے گا