90 نہیں تو 120 دن میں الیکشن کروا دئیے  جائیں، بلاول بھٹو زرداری

کراچی :پیپلز پارٹی کے چیئرمین بلاول بھٹو زرداری نے کہا ہے کہ پیپلز پارٹی الیکشن میں جانے کے لیے تیار ہے، نوے نہیں تو 100 دن  ورنہ 120 دن میں انتخابات کرادئیے  جائیں۔

کراچی میں میڈیا سے بات چیت کرتے ہوئے انہوں  نے کہا کہ الیکشن جلد از جلد یا 90 روز میں کرادیے جائیں تا کہ ہم دوبارہ عوام کی خدمت کریں، میڈیا میں جو باتیں چل رہی ہیں اور پیپلز پارٹی کی کردار کشی کا جو ہورہی ہے اس پروپیگنڈے کا جواب ہم نے اپنی کارکردگی سے دیا۔نیب چھاپوں کے حوالے سے جھوٹی خبریں چل رہی ہے، ہمارے کسی بھی وزیر کا نام ای سی ایل میں شامل نہیں۔

انہوں نے کہا کہ آصف زرداری نے تیس سال سے زائد سیاست کی ہے، سب سے زیادہ جیل کاٹی ہے جن سیاست دانوں کو اس تکلیف سے گزرنا پڑ رہا ہے انہیں ہم حوصلہ دلوانا چاہتے ہیں اور ان سے کہتے ہیں گھبرانا نہیں ہے۔ بلاول نے کہا کہ ملک پر کٹھ پتلی مسلط کرنا بند کیاجائے، ہمارے اوپر ایسے تجربات کرنا بند کریں اور عوام کو اپنے فیصلے کرنے دیں، اگر پاکستان کے عوام پیپلز پارٹی کے حق میں فیصلہ کرتے ہیں وہ سب قبول کریں۔

انہوں ںے کہا کہ دیگر جماعتیں حلقہ بندیوں کے بعد ہی الیکشن چاہتی ہیں، الیکشن کمیشن کو دیکھنا چاہیے کہ ملک میں دوغلی پالیسی کیوں چل رہی ہے؟ الیکشن کمیشن نے غیر آئینی طور پر ڈویلپمنٹ فنڈ کو روکا ہے، سیلاب متاثرین کے لیے جو کام چل رہا تھا اسے بھی روکا گیا۔بلاول بھٹو زرداری نے کہا کہ الیکشن کمیشن سے مطالبہ کرتا ہوں کہ پابندی کو ختم کرے، الیکشن کمیشن دوغلا نظام ختم کرے، سندھ میں اگر فنڈ کو روکیں گے تو باقی صوبوں کے فنڈ بھی روکے جائے۔