چیف الیکشن کمشنر سکندرسلطان راجا نے وزیر اعظم عمران خان کو خط لکھ دیا

 اسلام آباد: الیکٹرانک ووٹنگ مشین کا استعمال اور آئی ووٹنگ،چیف الیکشن کمشنر سکندر سلطان راجا نے وزیر اعظم عمران خان کو خط لکھ دیا۔ خط میں کہاگیاہے کہ پراجیکٹ مینجمنٹ یونٹ بنانے کیلئے جگہ فراہم کی جائے ، چیف الیکشن  کمشنرنے چارعمارتیں بھی تجویز کردیں۔

 خط میں چیف الیکشن کمیشنرنے کہاکہ الیکشن کمیشن انتخابی عمل میں ٹیکنالوجی کے استعمال کےلئے اقدامات کر رہا ہے، اس مقصد کے لیے ایک عمارت درکار ہے ۔چیف الیکشن کمشنر نے تجویز دی کہ پاکستان اکیڈمی آف سائنسز کا گیسٹ ہاوس ،پی سی ایس آئی کا گیسٹ ہاوس ،وزارت سائنس ٹیکنالوجی کا خالی فلور یا سر سید میموریل سوسائٹی عمارت میں سے کوئی ایک بلڈنگ الیکشن کمیشن کو دی جائے ۔

 خط میں   مزید کہاگیاہے  کہ یونٹ کے قیام کےلئے آئی ٹی پروفیشنلز کی بھرتیوں کا بھی کام آخری مراحل میں ہے،آئی ٹی کی ٹیمیں الیکٹرانک ووٹنگ مشینز،آئی ووٹنگ اور انتخابی عمل میں ٹیکنالوجی کے استعمال کےلئے کام کرینگے۔