فوج ہماری، ملک ہمارا،اسٹیبلشمنٹ سے کوئی جھگڑا نہیں،چیئرمین پی ٹی آئی

اسلام آباد:تحریک انصاف کے چیئرمین بیرسٹر گوہر نے کہا ہے کہ فوج ہماری ہے ملک ہمارا ہے اور ہمارا اسٹیبلشمنٹ سمیت کسی سے کوئی جھگڑا نہیں، پی ٹی آئی کے ساتھ جو کچھ ہو رہا ہے ماضی میں اس کی مثال نہیں ملتی۔

 صحافیوں سے ملاقات میں بیرسٹر گوہرکا کہنا تھا کہ پاکستان تحریک انصاف اور عمران خان شروع سے کہتے آ رہے ہیں کہ فوج ہماری ہے ملک ہمارا ہے ہمارا کسی کے ساتھ بشمول اسٹیبلشمنٹ کوئی جھگڑا نہیں۔چیئرمین تحریک انصاف بیرسٹر گوہر کاکہنا تھا کہ ہم نے کسی بھی سربراہ یا ادارے کے خلاف کوئی ایسا لفظ استعمال نہیں کیا کہ ہمارا جھگڑا ہو، پاکستان تحریک انصاف کے ساتھ جو کچھ ہو رہا ہے ماضی میں اس کی مثال نہیں ملتی، سپریم کورٹ کو چاہیے کہ لیول پلینگ فیلڈ کے لیے سوموٹو نوٹس لے۔