قومی ٹیم کے چیف سلیکٹر محمد وسیم عہدے سے فارغ
نوٹیفکیشن کے مطابق اب گورننگ بورڈ ختم ہو چکا ہے، 2019 کا آئین ختم ہونے کے باعث اب گورننگ بورڈ کا وجود نہیں رہا، گورننگ بورڈ کے ارکان کو پیغام
لاہور : پاکستان کرکت بورڈ نے قومی ٹیم کے چیف سلیکٹر محمد وسیم کو عہدے سے فارغ کردیا۔
ذرائع کے مطابق پی سی بی مینجمنٹ کمیٹی نے گورننگ بورڈ کے اراکین کو گورننگ بورڈ ختم ہونے کی اطلاع دے دی ہے۔ گورننگ بورڈ کے اراکین کو پیغام دیا گیا ہےکہ نوٹیفکیشن کے مطابق اب گورننگ بورڈ ختم ہو چکا ہے، 2019 کا آئین ختم ہونے کے باعث اب گورننگ بورڈ کا وجود نہیں رہا۔
ذرائع کے مطابق محمد وسیم کو دوپہر کے اوقات میں ای میل کر کے اطلاع دی گئی جس میں کہا گیا کہ آپ کی تقرری 2019 کے آئین کے تحت ہوئی اب آپ کا عہدہ نہیں رہا۔ ویمن سلیکشن کمیٹی اور جونئیر سلیکشن کمیٹی کی بھی از سر نو تشکیل ہو گی۔
Comments are closed.