موسم سرما کا آغاز کورونا وائرس کی دوسری لہر کا سبب بن سکتا ہے، وزیراعظم

اسلام آباد: وزیراعظم عمران خان نے خدشہ ظاہر کیا ہے کہ موسم سرما کا آغاز کورونا وائرس کی دوسری لہر کا سبب بن سکتا ہے۔

سماجی رابطے کی ویب سائٹ ٹوئٹر پر جاری ایک بیان میں وزیراعظم عمران خان نے کہا کہ کچھ دوسری ریاستوں کے مقابلے میں اللہ پاک نے ہم پر مہربانی کی ہے اور ہمیں کورونا وائرس کے بدترین اثرات سے بچایا ہے، انہوں نے خدشہ ظاہر کیا کہ موسم سرما کا آغاز کورونا وائرس کی دوسری لہر کا سبب بن سکتا ہے۔

دیگرممالک کی نسبت پاکستان پر رب کریم کا خاص فضل رہا اور ہم COVID-19 کے بدترین اثرات سےمحفوظ رہے۔ خدشہ ہےکہ سرمامیں وباء کی دوسری لہر سر اٹھاسکتی ہے۔میری التماس ہےکہ وباء میں تیزاضافے سے بچاؤ کیلئےاچھی طرح منہ ڈھانپ کرنکلیں۔ تمام دفاتراور تعلیمی ادارےیقینی بنائیں کہ سب ماسک پہنیں۔

— Imran Khan (@ImranKhanPTI) October 4, 2020

عمران خان کا کہنا تھا کہ میں سب سے گزارش کرتا ہوں کہ کورونا کیسز کی تعداد میں اضافہ روکنے کے لیے عوام چہروں پر ماسک پہنیں، تمام دفاتر اور اداروں کو یقینی بنانا ہوگا کہ ان کے ملازمین نے ماسک پہن رکھے ہوں۔