اوآئی سی وزراء خارجہ اجلاس آج اسلام آباد میں شروع ہوگا

 اسلام آباد: پاکستانی کی میزبانی میں او آئی سی وزراء خارجہ اجلاس کل پارلیمنٹ ہائوس اسلام آباد میں شروع ہوگا ،دو روزہ اجلاس میں مسئلہ کشمیر، مسلم امہ کو در پیش معاشی،سیاسی اور ثقافتی چیلنجز کیساتھ اسلامو فوبیا کے حوالے سے بھی غورکیا جائے گا۔ اجلاس کا لوگو اتحاد ،انصاف اور ترقی میں شراکت داری ہے، شرکا 23 مارچ کی پریڈ بھی دیکھیں گے۔

پاکستانی کی میزبانی میں 48 واں او آئی سی وزراء خارجہ اجلاس  میں حجاب ،مسئلہ کشمیر، پاکستان، بھارت امن عمل،کورونا، اسلامو فوبیا، مسلم اقلیتوں کے مسائل،افغانستان کی صورتحال  سرفہرست رہے گی ،150 سے زائد قراردادیں منظور ہونے کا امکان ہے۔

او آئی سی کے تحت کونسل برائے وزرائے خارجہ اجلاس میں مسئلہ کشمیر، پاکستان اور بھارت کے مابین امن عمل کیساتھ کورونا، اسلامو فوبیا اور مسلم اقلیتوں سے متعلق قراردادیں لائی جائیں گے۔او آئی سی کی ازسرنو تشکیل اور چارٹر کا  بھی جائزہ لیاجائے ۔افغانستان، او آئی سی اجلاس میں خصوصی انتظام کے تحت شرکت کرے گا جبکہ شام کی رکنیت تاحال معطل ہے۔ افغانستان کی صورتحال پر نمائندہ خصوصی کی رپورٹ پیش کی جائے گی۔ افغانستان میں او آئی سی کا غیرفعال دفتر بھی کھول دیا گیا ہے

او آئی سی سیکرٹری جنرل کی جانب حریت رہنماوں میر واعظ عمر فاروق ، نصرت عالم اور دیگر کو اجلاس میں شرکت کی دعوت دی گئی تھی تاہم بھارت کی جانب انہیں پاکستان آنے کی اجازت نہیں دی گئی ۔او آئی سی نے پاکستان میں موجود غلام محمد صفی، سید فیض حسین اور صدر آزاد جموں و کشمیر بیرسٹر سلطان محمود کو بھی دعوت دی ہے ۔او آئی سی اجلاس کے دوران رابطہ گروپ برائے کشمیر کا وزرائے خارجہ سطح کا اجلاس بھی ہو گا اور رابطہ گروپ کا اپنا اعلامیہ جاری کیاجائے گا۔

اجلاس میں 15 ممالک بحیثیت مبصر یا خصوصی حیثیت میں شرکت کریں گے،اب تک او آئی سی وزارتی اجلاس میں شرکت کے لیے 675 مبصرین نے تصدیق کر دی ہے۔معاشی، معاشرتی، سیاسی، ثقافتی، قانونی امور بھی وزارتی کونسل اجلاس میں دیکھے جائیں گے۔