پولیو سے پاک پاکستان کے لئے موثر کوششیں کامیاب بنانے کی ضرورت ہے، آرمی چیف

راولپنڈی : آرمی چیف جنرل قمر جاوید باجوہ نے ٹنلنگ انسٹی ٹیوٹ آف پاکستان اور نیشنل ایمرجنسی آپریشن سینٹر کا دورہ کیا ہے۔ جنرل قمر جاوید باجوہ نے حساس مقامات پر اضافی افرادی قوت اوروسائل فراہم کرنے کی ہدایت کرتے ہوئے کہا کہ پولیو ٹیموں کو اضافی سکیورٹی فراہم کی جائے۔

آرمی چیف جنرل قمر جاوید باجوہ نے ٹنلنگ انسٹی ٹیوٹ آف پاکستان کا دورہ کیا ۔آرمی چیف نے ایف ڈبلیو اوکےجدید ترین ٹنلنگ انسٹی ٹیوٹ کا افتتاح کیا۔آئی ایس پی آر کے مطابق ادارے کا مقصد سرنگوں کی پیشہ ورانہ مہارت کو فروغ دینا ہے۔ ادارہ ٹنلنگ کے شعبے میں تحقیق، ترقی اور وسائل کو ہم آہنگ کرے گا۔ ادارہ تعلیمی اور صنعتی ماہرین کے ذریعے ٹنلنگ کی تعلیم کو فروغ دینے کا پلیٹ فارم فراہم کرے گا۔ترجمان پاک فوج کا کہنا ہے کہ آرمی چیف جنرل قمر جاوید باجوہ نے نیشنل ایمرجنسی آپریشن سینٹر کا بھی دورہ کیا۔آرمی چیف کو ملک میں پولیو مہم اور درپیش چیلنجوں کے بارے میں آگاہ کیا گیا۔

جنرل قمر جاوید باجوہ نے حساس مقامات پر اضافی افرادی قوت اوروسائل فراہم کرنے کی ہدایت کرتے ہوئے کہا کہ پولیو ٹیموں کو اضافی سکیورٹی فراہم کی جائے۔ پولیو ٹیموں کو اضافی افرادی قوت اور وسائل فراہم کئے جائیں۔ پولیو سے پاک پاکستان کے لئے موثر کوششیں کامیاب بنانے کی ضرورت ہے۔ آرمی چیف نے پولیو مہم کے انعقاد اور دیگر اقدامات کو سراہا۔ آرمی چیف کااستقبال لیفٹیننٹ معظم اعجازاورمیجرجنرل کمال اظفرنےکیا