حکومت پاکستان کاملک بھر میں ہفتۂ عشق رسول صلی اللہ علیہ وآلہ وسلم منانے کا فیصلہ 

 اسلام آباد۔ حضورﷺ کی شان اقدس میں گستاخی اور فرانس میں گستاخانہ خاکوں کی تشہیرکے باعث پیدا ہونے والی صورت حال کے تناظر میں وفاقی وزیر مذہبی امور پیر نور الحق قادری نے آج کابینہ اجلاس میں ہفتہ عشق رسولﷺ منانے کی تجویز پیش کی ہے۔

وزیر اعظم نے وفاقی وزیر مذہبی امور پیر نورالحق قادری کی تجویز سے اتفاق کرتے ہوئے ہفتۂ عشق رسول ﷺ کا حتمی پلان تیار کرنے کی ہدایت جاری کردی ہے۔

وزیراعظم عمران خان کی ہدایت پر  ہفتۂ عشق رسول ﷺ جمعتہ المبارک سے اگلے جمعہ 12 تا 18 ربیع الاول تک جاری رہے گا۔صوبے بھی وفاقی حکومت کی ہدایات کے مطابق ہفتہ عشق رسول منائیں گے