الیکشن کمیشن نے روشن گھرانہ پروگرام کو 17 جولائی تک معطل کردیا

اسلام آباد : وزیراعلیٰ پنجاب حمزہ شہباز کی جانب سے 100 یونٹ تک مفتی بجلی کے روشن گھرانہ پروگرام کو الیکشن کمیشن نے 17 جولائی کو ضمنی الیکشن تک معطل کردیا، الیکشن کمیشن کاکہنا ہے کہ ضمنی الیکشن کے بعد بے شک یہ پروگرام شروع کردیا جائے۔ چیف جسٹس الیکشن کمشنر نے کہا کہ ہم پرامید ہیں کہ انتخابات شفاف ہوں گے۔۔حمزہ شہباز نے جواب بھی جمع کرادیا۔

وزیراعلیٰ پنجاب کے روشن گھرانا پروگرام پر الیکشن کمیشن کے نوٹس پرسماعت چیف الیکشن کمشنر کی سربراہی میں 3 رکنی کمیشن نے کی۔۔حمزہ شہباز کی جانب سے ان کے وکیل نے جواب جمع کراتے ہوئے کہا کہ جس پروگرام کا اعلان ہوا اس کا تعلق صرف ان حلقوں سے نہیں ہے۔پنجاب کے 90 لاکھ لوگ اس پروگرام سے مستفید ہونگے۔سو بلین روپے بجٹ میں مختص ہوئے ہیں۔سیاسی فائدہ لینا ہمارا مقصد نہیں۔۔اس پروگرام سے غریب لوگ مستفید ہونگے۔چیف جسٹس الیکشن کمشنر کا کہنا تھا کہ اگر بجٹ میں رکھا تھا تو الگ سے اعلان اور پریس کانفرنس کی کیا ضرورت تھی۔ڈی جی لا الیکشن کمیشن نے کہا کہ وزیر اعلیٰ پنجاب نے جو سکیم متعارف کرائی وہ الیکشن کے بعد بھی ہوسکتی تھی۔چیف الیکشن کمشنر کا کہنا تھا کہ ضمنی انتخابات میں الیکشن کمیشن کو آرمی، رینجرز اور پولیس کی معاونت حاصل ہے۔20 حلقوں کے ضمنی انتخابات نہایت اہمیت کے حامل ہیں۔ان نتائج کا براہ راست صوبائی حکومت سے تعلق ہے۔