زرمبادلہ کے ذخائر 12 ارب ڈالر تک لیجانے کا منصوبہ آئی ایم ایف کو پیش

 اسلام آباد: پاکستان نے زرمبادلہ کے ذ خائیر بڑھانے کے لیے آئی ایم ایف کو آٹھ ارب ڈالر حاصل کرنے کا پلان پیش کر دیا ۔ چین ، سعودی عرب اور یو اے ای پاکستان کی مدد کریں گے ۔رواں مالی سال زرمبادلہ کے ذخائر 12 ارب ڈالر تک لیجانے کا منصوبہ،اکستان نے آئی ایم ایف کو 8 ارب ڈالر حاصل کرنے کا پلان پیش کر دیا ۔

وزارت خزانہ کے ذرائع کے مطابق چین پاکستان کو 3.5 ارب ڈالر فراہم کرے گا جبکہ 2 ارب ڈالر سیف ڈیپازٹ بھی رول اوور کرے گا ۔۔ چین کے کمرشل بینک بھی 1.5 ارب ڈالر قرض ری شیڈول کریں گے ۔ پلان کے مطابق سعودی عرب جولائی میں پاکستان کو 2 ارب ڈالر اور متحدہ عرب امارات ایک ارب ڈالر فراہم کرے گا ۔

دوسری جانب عالمی بینک اورایشیائی ترقیاتی بینک بھی 50 ،50 کروڑ ڈالرکا قرض فراہم کریں گے ۔ واضح رہے کہ اسٹیٹ بینک کے پاس زرمبادلہ کے ذخائر صرف 4.4 ارب ڈالر ہیں جبکہ کمرشل بینکوں کے ذخائیرکیساتھ پاکستان کے زرمبالہ کے مجموعی ذخائیر 9.7 ارب ڈالر ہیں۔