بڑی خو شخبری، جی ٹوئنٹی ممالک نے پاکستان کے قرض کی ادائیگی موخرکردی

کورونا وائرس سے پیدا ہونے والی صورت حال کے باعث امیر ممالک کے گروپ جی 20 نے پاکستان کے ذمے واجب الادا1.7 ارب ڈالرز کے قرض کی ادائیگی معطل کردی ہے ۔

 پاکستان نے فرانس، چین اور سوئٹزرلینڈ کے ساتھ قرضوں کی ری شیڈولنگ کے لیے معاہدے پر دستخط کردئیے ہیں۔ پاکستان نے جی 20 ممالک کے ڈیٹ سروس کی معطلی کی سہولت سے فائدہ اٹھانے کے لئے مذاکرات کیے جس کے بعد پاکستان کو 1.7 بلین ڈالرز کے قرض کی ادائیگی موخر کر دی گئی ۔

وزارت اقتصادی امور کے مطابق پاکستان جی 20 ممالک سے مئی تا دسمبر 2020 کے عرصے کے لیے 1 اعشاریہ 8 بلین ڈالر کے قرض کی واپسی میں ریلیف کی توقع کررہا تھا، اس میں 1.47 بلین ڈالر قرض کی اصل رقم اور 323 ملین ڈالر کا سود شامل ہے۔