ریاست کے خلاف بغاوت، مقدمہ درج کرنے کا ا ختیارسیکرٹری داخلہ کو دے دیا گیا

حکومت کا ریاست کے خلاف بغاوت اور بغاوت پر اکسانے والوں کے خلاف  فوری کارروائی کا فیصلہ۔ مقدمہ  درج کرنے کے اختیارات وفاقی سیکرٹری  داخلہ کو دے دئیے گئے ،وفاقی کابینہ سے قوانین میں  ترامیم  کی منظوری  سرکولیشن  سمری کے ذریعے لی  گئی ۔

وفاقی حکومت کا اختیار ضابطہ فوجداری کی سیکشن 196 کے تحت  سیکرٹری داخلہ کو دیا گیا ہے ۔ سیکشن 153 اے سمیت پانچ سیکشن کے تحت مقدمہ سیکرٹری داخلہ کی منظوری سے ہی  درج  ہو گا۔ متعلقہ عدالت سیکرٹری داخلہ کی منظوری کے بغیر درج ہونیوالے مقدمے کا ٹرائل نہیں کرے گی۔ اس کے  ساتھ صوبائی حکومتیں بھی ریاست کے خلاف بغاوت کے مقدمات درج کراسکیں گی۔