دورہ بھارت کے دوران مسئلہ کشمیر پر پاکستان کے اصولی موقف کا اعادہ کیا،بلاول بھٹو

اسلام آباد: وزیرخارجہ بلاول بھٹو زرداری کا کہنا ہے کہ دورہ بھارت کے دوران مسئلہ کشمیر پر پاکستان کے اصولی موقف کا اعادہ کیا، بھارت کے غیرقانونی قبضے کے شکار مقبوضہ کشمیر کے عوام کی سیاسی، اخلاقی اور سفارتی حمایت جاری رکھیں گے۔

وزیرخارجہ بلاول بھٹو زرداری سے آل پارٹیز حریت کانفرنس آزاد کشمیر شاخ کے رہنماؤں نے اسلام آباد میں ملاقات کی، وفد کی سربراہی آزاد کشمیر شاخ کے  کنوینر محمود احمد ساغر کر رہے تھے۔ اس موقع پر وزیرخارجہ بلاول بھٹو زرداری نے کہا کہ  دورہ بھارت کے دوران مسئلہ کشمیر پر پاکستان کے اصولی موقف کا اعادہ کیا۔

انہوں نے کہا کہ پاکستان بھارت کے غیر قانونی قبضے کے شکار مقبوضہ کشمیر کے عوام کی سیاسی، اخلاقی اور سفارتی حمایت جاری رکھے گا۔ عالمی برادری بھارت کے غیر قانونی قبضے کے شکار مقبوضہ کشمیر میں انسانی حقوق کی خلاف ورزیوں کا نوٹس لے۔

محمود احمد ساغر اور وفد میں شامل آل پارٹیز حریت کانفرنس کے رہنماؤں نے غیر متزلزل حمایت پر پاکستان کی حکومت اور وزیر خارجہ کا شکریہ ادا کیا۔