ملکی کرنٹ اکاؤنٹ خسارہ ختم، جولائی میں 424 ملین ڈالر اضافی جمع ہوئے، وزیراعظم

اسلام آباد: وزیراعظم عمران خان نےکہا ہے کہ پاکستان کی معیشت درست سمت میں جا رہی ہے،جولائی 2020 میں کرنٹ اکائونٹ خسارہ نہ صرف ختم ہوا بلکہ 424 ملین ڈالر کرنٹ اکائونٹ میں اضافی جمع ہوئے۔

MashaAllah Pakistan's economy is on the right track. After current account balance posted deficit of $613 mn in July 2019 & a deficit of $100 mn in June 2020, in July 2020 current account balance swung upwards to a surplus of $424 mn.

— Imran Khan (@ImranKhanPTI) August 24, 2020

سماجی رابطوں کی ویب سائٹ پر جاری ایک بیان میں وزیراعظم عمران خان نے لکھا ہے کہ ماشااللہ پاکستان کی معیشت درست سمت میں جا رہی ہے، کرنٹ اکاؤنٹ خسارہ کم ہو چکا ہے۔جولائی 2019 میں کرنٹ اکائونٹ خسارہ 613 ملین ڈالر تھا جو کم ہو کر جون 2020 میں 100 ملین ڈالر رہ گیا تھا۔

وزیراعظم کا کہنا ہے کہ جولائی 2020 میں کرنٹ اکائونٹ خسارہ ختم ہو گیا بلکہ 424 ملین ڈالر کرنٹ اکائونٹ میں اضافی جمع ہوئے۔معیشت میں بہتری کی وجہ برآمدات میں مسلسل اضافہ ہے، جون 2020 کے مقابلے برآمدات میں 20 فیصد اضافہ ریکارڈ کیا گیا ہے، بیرون ملک سے بھیجی گئی ترسیلات زر میں بھی ریکارڈ اضافہ ہوا ہے۔