پاکستان میں کاروبار کرنا مشکل ،سرمایہ کاری کے لیے خطرات بڑھ رہے ہیں، آئی ایم ایف

 اسلام آباد: آئی ایم ایف نے کہا ہے کہ بیوروکریسی کی سست روی اور ریگولیشنز کی وجہ سے پاکستان میں کاروبار کرنا مشکل ہے ، سرمایہ کاری کے لیے خطرات بڑھ رہے ہیں جبکہ کرپشن میں بھی اضافے کا خدشہ ہے۔

آئی ایم ایف کی پاکستان سے متعلق رپورٹ میں حکومتی دعووں کے برعکس کاروبار کرنا مشکل قرار دےد یا ہے ،عالمی مالیاتی ادارے نے اپنی رپورٹ میں کہا ہے کہ پاکستان میں بیوروکریسی کی نااہلی کاروبار کی راہ میں بڑی رکاوٹ ہے، بہت زیادہ ریگولیشنز سے بھی کاروباری سرگرمیاں متاثر ہو رہی ہیں جبکہ کمزور ٹیکس سسٹم ٹیکس ادائیگیوں میں رکاوٹ ہے ۔

آئی ایم ایف نے مطالبہ کیا ہے کہ حکومت پاکستان ٹیکس ادائیگی کا عمل آسان بنائے اور کاروباری ماحول بہتر کرنے کیلئےغیر ضروری ریگولیشنز ختم کی جائیں ۔