حکومت سے کہا جاتا ہے ہدایت پرچلوورنہ بحران پیدا کردینگے، فضل الرحمان

اسلام آباد : جے یو آئی ف کے سربراہ مولانا فضل الرحمان کا کہنا ہے کہ حکومت کو کہا جاتا ہے ہدایات پر چلنا ہے،ورنہ بحران پیدا کر دیں گے۔

نجی ٹی وی چینل سے گفتگو کرتے ہوئے مولانا فضل الرحمان نے کہا کہ ادارے خاموش بیٹھ جائیں تو کوئی بحران نہیں۔عمران خان ہمارے لیے چٹکی بھی نہیں بلا بنا کر پیش نہ کیا جائے۔ہم عمران خان کی اوقات جانتے ہیں۔وہ ہمیں جانتا ہے۔ایسا کوئی مسئلہ نہیں۔

مولانا فضل الرحمان کا کہنا تھا کہ بلاوجہ اگر بحران پیش کرنا ہے توعام آدمی کو پیش کر دو۔ملک کو بحران میں کون مبتلا کر رہا ہے۔کھل کر بات کرنی چاہیے۔وزیراعظم کو یونٹی آف کمانڈ کی حیثیت حاصل ہے۔لیکن حکومت کو کہا جاتا ہے کہ ہدایات پر چلنا ہے۔ورنہ بحران پیدا کر دیں گے۔

مولانا فضل الرحمان نے کہا کہ نوازشریف تین بار وزیر اعظم اور شہباز شریف تین مرتبہ وزیر اعلیٰ رہے ہیں۔ن لیگ کے لوگ وزیر رہ چکے ہیں۔ سب معززین ہیں۔ایک ایک کو پکڑ کر جیل میں ڈالا۔گالیاں دیں۔بدنام کرنے کی کوشش کی گئی۔

مولانا فضل الرحمن نے اپنی اتحادی حکومت سے شکوہ کیا کہ عمران خان کی حکومت میں جو گھپلے ہوئے۔اس پر ہم کیوں خاموش ہیں؟۔ان گھپلوں پر ہم کیوں خاموش ہیں۔یہ میری اپنی حکومت سے شکایت ہے۔عمران خان میں صلاحیت ہی نہیں وہ کسی کو مجبور کر سکے۔عمران خان اتنی بڑی سیاسی قوت نہیں۔اس کی کسی دھمکی کو بنیاد بنا کر ’پر‘ کو ’پرندہ‘ بنانا مشکل بات نہیں۔

فضل الرحمان کا کہنا تھاکہ میں بھی فوج۔عدلیہ اور جنرلز کو نیوٹرلز دیکھنا چاہتا ہوں۔ہم نہ سافٹ اور نہ ہارڈ مداخلت تسلیم کرتے ہیں۔ہمیں آئین کے مطابق اپنا کام کرنے دیا جائے۔سیاستدانوں اور پارلیمنٹ کو کام کرنے دیا جائے۔روز روز کی مداخلتیں ملکی نظام کو معطل کر دیتی ہیں۔

مولانا فضل الرحمان نے کہا کہ ادارے خدا کیلئے اپنے دائرہ کار میں واپس چلے جائیں۔عمران خان کو اسٹیبلشمنٹ ہویاعدلیہ مکمل حمایت حاصل رہی۔ جب سےنئی حکومت آئی۔دونوں قوتیں غیرجانبداربھی ہوگئیں اورنیوٹرل بھی۔ اس حکومت کیلئے روز روز مسائل پیداکرنا۔یہ رویہ بھی ہم دیکھ رہےہیں۔ نئی نئی تجویزیں آرہی ہیں کہ نئے الیکشن ہونے چاہیئں۔یہ تجویز کسی صحافی کی نہیں بلکہ سافٹ مداخلت کانتیجہ ہے۔

جے یو آئی سربراہ کا کہنا تھاکہ کسی فریق کے تحفظات ہوں تو اس جج کو کیس کی سماعت نہیں کرنی چاہیے۔روز روز نئی لاحقیں فیصلوں کے ساتھ وابستہ نہ کی جائیں۔فیصلہ ایک ہوتا ہے۔کورٹ ایک ہے۔اگروہ کل ایک غلط کرچکے ہیں تو اس کیس کو نہ سنیں، فل کورٹ بیٹھے۔

مولانا فضل الرحمان نے کہا ک ہہمارے ملک میں بندکمروں کی سیاست شروع ہو گئی ہے۔ایک ادارہ دوسرے ادارے پراثر انداز ہونے کی سیاست کر رہا ہے۔اب یہ سیاست ریاست کی تباہی کا سبب بن رہا ہے۔ذمہ دار ہمیشہ سیاستدان اور سیاسی حکومت کو قرار دیا جاتا ہے۔ہم اس صورتحال سے مطمئن نہیں۔یہ چیزیں ٹھیک ہوجانی چاہیئں۔