سابق میونسپل کمشنر کراچی سمیت 3 افسران گرفتار،سونے کے بسکٹ،غیرملکی کرنسی برآمد
کراچی :نیب راولپنڈی نےکراچی میں کارروائی کرتے ہوئے سابق میونسپل کمشنرکورنگی مسرورمیمن، اکائونٹ آفیسروکاش اورآڈٹ آفیسردھرم کوگرفتارکرلیا۔ ملزمان سے بھاری خزانہ بھی برآمد کیا گیا ہے۔آپریشن میں ملزمان سے سونے کے بسکٹ ، بٹن ، ڈالرز، درہم، ریال اور کئی ملین کی ٹی ٹی کی رسیدیں برآمد کی گئی ۔ نیب کو برآمد رقم کو گننے کیلئے مشینوں کا استعمال کرنا پڑا۔
نیب کے مطابق ملزمان نے کورنگی میونسپل کارپوریشن کیلئے آئل خریداری اوردیگرامورمیں بڑے پیمانے پر کرپشن کی۔رشوت لے کرٹھیکے دئیے جاتے اورکم آئل لےکرزیادہ کی رسیدیں کاٹی جاتی تھیں۔ حاصل رقوم جعلی اکاؤنٹس میں ڈالی گئیں اوربیرون ملک بھی منتقل کی گئیں۔
کراچی کی احتساب عدالت نےملزمان کو تین روزہ راہداری ریمانڈ پرنیب راولپنڈی کی تحویل میں دے دیا۔ ملزمان کوجسمانی ریمانڈ کےلیے اسلام آباد کی احتساب عدالت میں پیش کیا جائےگا۔
Comments are closed.