آئندہ مالی سال کا وفاقی بجٹ 8 ہزار487 ارب روپے،دفاع کیلئے 1370ارب روپے مختص

وفاقی وزیرخزانہ شوکت ترین نے 8 ہزار 847 ارب روپے کا سالانہ بجٹ قومی اسمبلی میں پیش کر دیا ہے،سرکاری ملازمین کی تنخواہیں اور پینشن میں 10فیصد اضافہ کرتے ہوئے اس مد میں 160 ارب روپے مختص کیے گئے ہیں۔ مزدور کی کم از کم اجرت بیس ہزار روپے ماہانہ مقرر کی گئی ہے۔

آئندہ مالی سال کا وفاقی بجٹ 8 ہزار487 ارب روپے کا ہوگا، ٹیکس وصولیوں کا مجموعی ہدفت 7 ہزار 909 ارب روپے مقرر کیا گیا ہےنیوز ڈپلومیسی کی جانب سے حاصل کردہ بجٹ کی دستاویز کے مطابق آئندہ مالی سال کے لئے وفاقی بجٹ کا حجم 8 ہزار 487 ارب روپے مقرر کیا گیا ہے، جس میں ٹیکس وصولیوں کا ہدف5829ارب روپے، نان ٹیکس ریونیو کا ہدف2080ارب روپےمقرر کیا گیا ہے۔

این ایف سی کے تحت صوبوں کو 3 ہزار 412 ارب روپے فراہم کیے جائیں گے، جس کے بعد وفاقی حکومت کے پاس اپنا بجٹ چلانے کیلئے صرف4497ارب روپے بچیں گے، آئندہ مالی کے دوران وفاقی حکومت کے بجٹ خسارے کا تخمینہ 3 ہزار 990 ارب روپے رکھا گیا ہے۔

جس میں کمی لانے کیلئے صوبے اپنے بجٹ سے 570ارب روپے خرچ نہ کرتے ہوئے وفاقی بجٹ خسارے کو3420ارب روپے تک لانے میں معاونت کریں گے، قومی بچت سکیموں کے ساتھ ساتھ حکومت بجٹ خسارہ پورا کرنے کیلئے نان بینکنگ سیکٹر سے 1241 ارب روپے جب کہ بینکنگ سیکٹر سے 681ارب روپے کے قرضے حاصل کرے گی، 1922ارب روپے کے قرضے حاصل کرے گی۔

بجٹ دستاویز کے مطابق آئندہ مالی سال کے لئے دفاعی بجٹ 1370ارب روپے مختص کیا گیا ہے، وفاقی حکومت کے غیرترقیاتی اخراجات کا تخمینہ7 ہزار 523ارب روپے مقرر کیا گیا، ملکی و غیرملکی قرضوں پر سود کی ادائیگی پر3060ارب روپے خرچ ہوں گے، سول اور ملٹری اداروں کی مجموعی پینشن کا حجم480 ارب روپے ہوگا۔

آئندہ مالی سال کے دوران صوبوں کو ترقیاتی اور غیر ترقیاتی گرانٹس کیلئے 1168ارب روپے دیے جائیں گے، بجلی،گیس،کھانے پینے کی اشیاء سمیت تمام شعبوں کیلئے سبسڈی کا بجٹ682ارب روپے مقرر کیے ہیں، سول حکومت کے اخراجات کیلئے479ارب روپے ، کورونا وبا کی روک تھام اوردیگر ہنگامی اخراجات کیلئے100ارب روپے مختص کیے گئے ہیں۔

بجٹ دستاویز کے مطابق آئندہ بجٹ میں تنخواہوں اور دیگر مراعات کیلئے160ارب روپے مختص کیے گئے، آئندہ مالی سال کے ترقیاتی بجٹ کا حجم 964ارب روپے ہوگا، وفاقی سالانہ ترقیاتی پروگرام900ارب روپے،صوبوں کوقرض کی مدمیں 64ارب روپے ادا کرنےکا فیصلہ کیا گیا۔

بجٹ کی مزید تفصیلات کیلئے وزیرخزانہ کی قومی اسمبلی میں تقریر کی کاپی پیش خدمت ہے۔

[pdf-embedder url=”https://urdu.newsdiplomacy.com/wp-content/uploads/2021/06/Budget-Speech.pdf” title=”Budget Speech”]