سری لنکا جیسی صورتحال سے دور نہیں جب لوگ سڑکوں پر امڈ آئیں گے، عمران خان

اسلام آباد : سابق وزیراعظم عمران خان نے کہا ہے کہ سری لنکا کی طرح ہم اس صورتحال سے زیادہ دورنہیں جب ہمارےلوگ سڑکوں پرامڈ آئیں گے۔

چیئرمین پاکستان تحریک انصاف عمران خان کا کہنا ہے کہ قوم سےاپنےروابط اور حقیقی آزادی کی میری پکارپر عوام کے جواب کےبعدمیں مکمل یقین سےکہہ سکتاہوں کہ عوام اب ان مافیاز کولوٹ مار کاسلسلہ برقراررکھنےکی قطعاًاجازت نہیں دیں گے۔ عمران خان نے کہا ہے کہ سری لنکا کی طرح ہم اس صورتحال سےزیادہ دورنہیں جب ہمارےلوگ سڑکوں پرامڈ آئیں گے۔

30 برسوں سے زائد مدت میں پاکستان کی لوٹ کھسوٹ سے جمع کی گئی اپنی غیرقانونی دولت بچانے کیلئے زرداری و شریف مافیا نے صرف 3 ماہ سے کچھ ہی زائد عرصے میں ملک کو سیاسی و اقتصادی طور پر گھٹنوں کے بل گرا دیا ہے۔میرا سوال یہ ہے کہ ریاستی ادارے کب تک اس کی اجازت دیتے رہیں گے؟

— Imran Khan (@ImranKhanPTI) July 23, 2022

عمران خان نے اپنے ٹویٹر پیغام میں کہا کہ صرف 3 ماہ میں زرداری اور شریف مافیا ملک کو سیاسی و معاشی طور پر گھٹنوں پر لے آیا ہے۔عمران خان کا کہنا تھا کہ یہ مافیا 30 سال سے اپنی لوٹی ہوئی دولت بچانے کے لیے ملک کو تباہ کر رہا ہے۔میرا سوال یہ ہے کہ ریاستی ادارے کب تک اس کی اجازت دیتے رہیں گے؟