نواز شریف کےدل کاعلاج سروسزاسپتال میں ممکن نہیں،ڈاکٹرمحمود ایاز

سابق وزیراعظم نوازشریف کا سروسز اسپتال میں علاج جاری، میڈٰیکل بورڈ کے سربراہ کہتےہیں،نوازشریف کا عارضہ قلب کے اسپیشلسٹ ڈاکٹر سے علاج ہونا چاہیے، مریم نواز کہتی ہے کہ نوازشریف جلد جیل واپس جانا چاہتےہیں۔

سابق وزیراعظم میاں محمد نوازشریف کا لاہور کے سروسز اسپتال میں علاج جاری ہے۔ سربراہ میڈیکل بورڈ پروفیسر ڈاکٹر محمود ایازنے کہا ہے کہ میڈٰیکل بورڈ نے اپنی تجاویز محکمہ داخلہ پنجاب کو بھیج دی ہیں،نواز شریف کے دل کا علاج سروسز اسپتال میں ممکن نہیں۔ دل کے علاج کیلئے امراض قلب کے ماہر ڈاکٹر کی ضرورت ہے۔

نوازشریف کی صاحبزادی مریم نواز دوپہر کا کھانا لے کر اسپتال پہنچی۔میڈیا سے غیر رسمی گفتگو میں مریم نواز نے کہا کہ نوازشریف واپس جیل جانا چاہتےہیں، ان کے ٹیسٹ ہو رہےہیں حتمی فیصلہ میڈیکل بورڈ ہی کرے گا۔  مسلم لیگ ن کے مرکزی رہنما رانا تنویر خواجہ عمران نذیر اور دیگر نے بھی سروسز اسپتال میں نوازشریف کی عیادت کی ۔

میڈیا سے گفتگو میں پارٹی رہنماوں نے نوازشریف کی صحت کے حوالے سے تشویش کا اظہار کیا ۔کہا کہ حکومتی وزرا کے بیان سے ہمیں مزید تکلیف پہنچتی ہے۔ نواز شریف کو تشویش ہے کہ ملک روز بروز نیچے جا رہا ہے۔