نیوزی لینڈ کی 2 مساجد میں فائرنگ، 49افراد جاں بحق، متعدد زخمی

تازہ ترین
By News Desk

کرائسٹ چرچ: نیوزی لینڈ کی دو مساجد میں فائرنگ سے 49 افراد جاں بحق جب کہ درجنوں زخمی ہو گئے خوش قسمتی سے بنگلادیشی کرکٹ ٹیم حملے میں بال بال بچ گئی۔

غیرملکی خبررساں ادارے کے مطابق نیوزی لینڈ کے شہرکرائسٹ چرچ کی مسجد النور اور مسجد لنووڈ میں نماز جمعہ کی ادائیگی کے دوران مبینہ طور پر دو مسلح افراد نے فائرنگ کی، جس کے نتیجے میں49 افراد جاں بحق، جبکہ متعدد زخمی ہو گئے ہیں۔ دورہ نیوزی لینڈ پر موجود بنگلادیشی کرکٹ ٹیم اس حملے میں بال بال بچ گئی۔

حکام کے مطابق ایک حملہ آور شخص کو نیوزی لینڈ پولیس نے گرفتار کرلیا ہے جس نے فوجی وردی پہن رکھی تھی جسے گرفتار کر لیا گیا ہے جس کا نام برینٹن ٹیرنٹ اور عمر 28 سال ہے۔ یہ دہشت گرد آسٹریلوی شہری ہے جس کا تعلق سفید فام نسلی انتہا پسندوں سے ہے۔

نیوزی لینڈ پولیس نے شہریوں کو متاثرہ مسجد سے دور رہنے کی کردی ہے، کرائسٹ چرچ کی دیگر مساجد کو خالی کرالیا گیا ہے جب کہ اسپتالوں میں ایمرجنسی نافذ کردی گئی ہے۔ خبرایجنسی کے مطابق شہر کے گرجا گھر اور اسکول بھی بند کردیئے گئے۔

عینی شاہدین کا کہنا ہے کہ فائرنگ نماز جمعہ کے 10 منٹ بعد شروع ہوئی جب کہ ایک شخص خودکار اسلحے کے ساتھ مسجد میں داخل ہوا اور اندھا دھند فائرنگ شروع کردی۔

دوسری جانب بنگلادیشی کرکٹ ٹیم کے کپتان تمیم اقبال کرکٹ نے کہا کہ ٹیم حملے کے وقت مسجد میں موجود تھی اور اسی دوران ٹیم کے ارکان نے مسجد سے بھاگ کر جان بچائی تاہم ہمارے تمام کرکٹر محفوظ ہیں۔

ادھر وزیراعظم نیوزی لینڈ کی جانب سے جاری بیان میں کہا گیا ہے کہ آج نیوزی لینڈ کی تاریخ کا سیاہ ترین دن ہے۔

News Desk
You might also like More from author

Comments are closed.