ون ڈے، ٹیسٹ اور ٹی ٹوئنٹی کی رینکنگ جاری ، کون کس نمبر پر؟

اسلام آباد : انٹرنیشنل کرکٹ کونسل نے ٹی ٹوئنٹی ، ون ڈے اور ٹیسٹ پلیئرز کی نئی رینکنگ جاری کردی ہے۔

آئی سی سی کی تازہ ترین ٹی ٹوئنٹی رینکنگ میں قومی ٹیم کے کپتان بابراعظم کی پہلی پوزیشن برقرار ہے جبکہ پاکستانی بیٹر محمد رضوان نے بھی بلے بازوں میں دوسرے نمبر پر قبضہ جمایا ہواہے۔

🔹 Rashid Khan breaks into top 10 ODI bowlers
🔹 Pathum Nissanka moves to No.9 in T20I batters’ list

Full rankings ➡️ https://t.co/saWOSRZ2py pic.twitter.com/UUXbK8RDme

— ICC (@ICC) March 2, 2022

ٹی ٹوئنٹی بولروں میں جنوبی افریقا کے تبریز شمسی کا پہلا نمبر ، پاکستان کے شاداب خان کا دسواں اور شاہین شاہ آفریدی کا12 واں نمبر ہے۔ ٹی ٹوئنٹی کی آل راؤنڈرز رینکنگ میں افغان ٹیم کے محمد نبی پہلی پوزیشن پر براجمان ہیں۔

❇️ Kagiso Rabada in top 3 Test bowlers
❇️ Colin de Grandhomme moves up in Test all-rounders’ list

Full rankings ➡️ https://t.co/saWOSRZ2py pic.twitter.com/ZQodsgwBpo

— ICC (@ICC) March 2, 2022

آئی سی سی نے نئی ٹیسٹ پلئیرز رینکنگ بھی جاری کی ہے جس میں آسٹریلیا کے مارنوس لبوشین کی پہلی پوزیشن برقرار ہے ، اس فہرست میں انگلینڈ کے جوروٹ کا دوسرا اور آسٹریلیا کےاسٹیواسمتھ کا تیسرانمبر ہے ۔ ٹیسٹ رینکنگ میں پاکستان کے کپتان بابر اعظم کی نویں پوزیشن برقرار جبکہ آسٹریلیا کے ڈیوڈ وارنر دسویں نمبر پر آ گئے ہیں۔ بولرز میں آسٹریلیا کے پیٹ کمنز کا پہلا،بھارت کے روی چندرن ایشون کا دوسرا نمبر جبکہ جنوبی افریقا کے کگیسو رباداتین درجے ترقی کے بعد تیسرے نمبر پرآگئے۔ بولرز میں پاکستان کے شاہین آفریدی کا چوتھا نمبر برقرار ہے۔

ون ڈے انٹرنینشل کی پلیئرز رینکنگ میں پاکستان کے بابر اعظم کی پہلی پوزیشن برقرار ہے جبکہ بھارت کے ویرات کوہلی دوسرے اور بھارت ہی کے روہت شرما تیسرے نمبر پر ہیں۔ نئی رینکنگ میں پاکستان کے فخر زمان نویں اور امام الحق ایک درجے ترقی کے بعد 11 ویں نمبر پر آ گئے ہیں۔ بولرز میں نیوزی لینڈ کے ٹرینٹ بولٹ کی پہلی، آسٹریلیا کے جوش ہیزل ووڈ کی دوسری اور افغانستان کے راشد خان چار درجے ترقی کے بعد نویں پوزیشن ہے۔ ون ڈے بولرز کی رینکنگ میں پاکستان کے شاہین آفریدی 14 ویں پوزیشن ہے جبکہ ون ڈے آل راؤنڈرز میں بنگلا دیش کے شکیب الحسن کا پہلا نمبر ہے۔