ایشیاء کپ :پاکستان نے نیپال کو 238 رنز سے شکست دے دی

 ملتان:ایشیا کپ کے افتتاحی میچ میں پاکستان  نے نیپال کو 238 رنز سے  شکست  دے دی ، نیپال کی  پور  ٹیم 104 رنز بنا کر آوٹ  ہوگئی ۔ شاداب   خان نے چار، شاہین  اور  حارث روف نے  دو، دو وکٹیں حاصل  کیں۔

اس سے قبل ایشیا کپ کے افتتاحی میچ میں پاکستان نے 6 وکٹوں کے نقصان پر 342 رنز بنائے اور مخالف ٹیم کو جیت کیلئے 343 رنز کا ہدف دیا۔ کپتان بابراعظم 151، افتخار  احمد 109 اور محمد رضوان 44 رنز بناکر نمایاں رہے۔بابر اعظم نے کیرئیر کی  انیسویں ،افتخار احمد نے پہلی  سینچر اسکور کی ۔

ملتان میں کھیلے جارہے میچ میں اوپنر فخر زمان ایک مرتبہ پھر کوئی خاطر خواہ رنز بنانے میں ناکام رہے وہ محض 14 رنز بناکر وکٹ گنوا بیٹھے۔ امام الحق اور  آغا سلمان پانچ، پانچ اور شاداب خان صرف 4 رنز کے مہمان ثابت ہوئے۔ نیپال کی جانب سے سومپال کامی نے 2، کرن کے سی اور سندیپ لامیچھانے ایک ایک وکٹ حاصل کی۔