بابری مسجد شہید کرنے والوں کو رہائی کرنا شرمناک اقدام ہے، ترجمان دفتر خارجہ

پاکستان نے  بابری مسجد شہید کرنے والے ملزموں کو رہا کرنے کے بھارتی عدالت کے فیصلے کو شرم ناک قرار دیا ہے۔

ترجمان دفتر خارجہ زاہد حفیظ چودھری نے بابری مسجد شہید کرنے کے ملزموں کی رہائی کی شدید مذمت کرتے ہوئے کہا کہ بھارتی عدالت کے فیصلے سے بھارت سمیت دنیا بھر کے مسلمانوں کی دل آزاری ہوئی۔ انہوں نے کہا کہ مسجد شہید کرنے کے نتیجے میں بی جے پی کی زیرقیادت فرقہ وارانہ تشدد ہوا، تشدد کے نتیجے میں ہزاروں افراد ہلاک ہوئے۔

ترجمان دفترخارجہ نے کہا کہ نام نہاد جمہوریت میں اںصاف کی علامت ہوتی تو سرعام مجرمانہ فعل پر فخر کرنے والوں کو آزاد نہیں ہو سکتے تھے۔ بھارتیہ جنتا پارٹی کی ہندو نواز حکومت اقلیتوں کو روز اول سے نشانہ بنا رہی ہے۔ بی جے پی نے پلاننگ کے تحت ہندو رائے عامہ کو بھڑکانے کے لیے رتھ یاترا کی تھی۔

خیال رہے کہ آج لکھنئو میں خصوصی بھارتی عدالت نے بابری مسجد پر حملے کے کیس کا فیصلہ سنا دیا ہے جس میں تمام ملزمان کو بری کردیا گیا ہے۔