فرانسیسی سفیر کی ملک بدری کی قراردادکیلئے قومی اسمبلی اجلاس، پیپلزپارٹی کا بائیکاٹ

پاکستان پیپلز پارٹی نے توہین رسالت کے معاملے پر فرانسیسی سفیر کی ملک بدری کی قرارداد کی منظوری کیلئے بلائے گئے قومی اسمبلی اجلاس میں شرکت نہ کرنے کا فیصلہ کیا ہے۔

سماجی رابطوں کی ویب سائٹ پر جاری اپنے ایک بیان میں چیئرمین پیپلز پارٹی بلاول بھٹو زرداری نے کہا ہے کہ حکومت اور تحریک لبیک پاکستان میں معاہدہ قومی اسمبلی میں نہیں لایاگیا، حکومت نے سڑکوں پر ایکشن لیا، پھرپابندی عائد کی۔

انہوں نے کہا کہ پانچ سوسے زائد پولیس اہلکار زخمی، انٹرنیٹ سماجی رابطوں کی ویب سائٹس بند کر دی گئی، اس کے ساتھ ساتھ وزیراعظم نے قومی اسمبلی میں بیان نہیں دیا، کسی بھی مرحلے پر قومی اسمبلی  کو اعتماد میں نہیں لیا گیا، اب پی ٹی آئی قومی اسمبلی  کے پیچھے چھپنا چاہتی ہے۔

Agreement wasnt brought to NA, Govt took action on streets, then banned, people killed, over 500 policemen injured, closed internet, PM didn’t make statement in NA, didnt take NA into confidence at any stage. Now PTI wants to hide behind NA. It’s your mess PM, clean up or go home

— BilawalBhuttoZardari (@BBhuttoZardari) April 20, 2021

بلاول بھٹو زرداری کا کہنا ہے کہ یہ ساری خرابی وزیراعظم عمران خان کی ہی پیدا کردہ ہے، اسے ٹھیک کریں یا گھر جائیں، پیپلز پارٹی کا کہنا ہے کہ عجلت میں بلائے گئے قومی اسمبلی اجلاس میں شریک نہیں کریں گے۔