کوئی محب وطن پاکستانی فوج مخالف بیانیے کی حمایت نہیں کر سکتا، وزیر اعظم

وزیراعظم عمران خان نے کہا ہے کہ کوئی محب وطن پاکستانی فوج مخالف بیانیے کی حمایت نہیں کر سکتا ،اپوزیشن ملکی مفاد  کے  خلاف کام کر رہی ہے ۔ عوامی عہدوں کا غلط استعمال کرنے والوں کا احتساب ہو کر رہے گا۔  

وزیر اعظم کی زیر صدارت حکومتی و پارٹی ترجمانوں کا اجلاس  ہوا۔ وزیراعظم عمران خان نے  اجلاس  سے  خطاب کرتے  ہوئے کہاکہ سابق اسپیکر ایاز صادق کا  بیان  قومی  سلامتی  کے  سراسر منافی ہے ۔ پاکستان کی عوام  اپنی افواج سے پیار کرتی ہے ، فوج مخالف بیانیہ پرخود ن لیگ بھی تقسیم ہے ۔

وزیراعظم نے کہا  کہ اپوزیشن کی تحریک کا مقصد دباو ڈال کر کیسز سے چھٹکارا حاصل کرنا ہے، اپوزیشن کے ہاتھوں بلیک میل ہوئے تو ملک کو نقصان ہوگا ، احتساب کا عمل ہر حال میں جاری رہے گا۔