عام انتخابات میں تاخیر قبول نہیں کریں گے ،پیپلز پارٹی ڈٹ گئی

اسلام آباد :پاکستان   پیپلزپارٹی  عام انتخابات میں تاخیرکسی صورت  قبول نہیں کرے گی،نوے  روز میں  الیکشن ہونے  چاہیں۔بلاول ہاؤس کراچی میں سی ای سی کے اجلاس کے بعد پارٹی رہنماؤں کے ہمراہ پریس کانفرنس کرتے ہوئے سینیٹر شیری رحمان نے کہا پاکستان پیپلزپارٹی کی سینٹرل ایگزیکٹو کونسل نے واضح کیا ہے کہ الیکشن 90 روز سے آگئے گئے تو ملک میں بحرانی کیفیت پیدا ہوجائے گی۔

انہوں نے کہا کہ حلقہ بندیوں کی بنیاد پر انتخابات میں تاخیر نہیں کی جاسکتی، پیپلزپارٹی کا وفد الیکشن کمیشن کے حکام سے بھی  ملاقات کرے گا اور اپنے موقف سے آگاہ کرےگا۔ملک میں معاشی صورت حال سنگین ہے۔

اس موقع پر فیصل کریم کنڈی نے کہا کہ الیکشن کمیشن نے خیبرپختونخوا میں ضمنی الیکشن کا اعلان کیا تو اس کا مطلب ہے کہ ملک میں عام انتخابات بھی بروقت ہوسکتے ہیں۔