پی ایس ایل7 : کوئٹہ گلیڈی ایٹرز نے اسلام آباد یونائیٹڈ کو دلچسپ مقابلے کے بعد شکست دے دی

لاہور: پاکستان سپر لیگ سیزن 7 کے اٹھارویں میچ میں کوئٹہ گلیڈی ایٹرز نے اسلام آباد یونائیٹڈ کو پانچ وکٹوں سے شکست دے دی۔ کپتان سرفراز احمد کو ناقابل شکست 50 رنز بنانے پر میچ کا بہترین کھلاڑی قرار دیا گیا

کوئٹہ گلیڈی ایٹرز نے اسلام آباد کی جانب سے دیا گیا 200 رنز کا ہدف پانچ وکٹوں کے نقصان پر حاصل کیا۔ گلیڈی ایٹرز کی جانب سے جیسن روے 54، کپتان سرفراز احمد نے 50 اور عمر اکمل نے 28 رنز کی اننگز کھیلی۔ اسلام آباد یونائیٹڈ کے کپتان شاداب خان نے تین کھلاڑیوں کو آؤٹ کیا۔

Happy Saturday, all! 👋🏼
Quetta have won the toss and elected to bowl 🙌🏼 #HBLPSL7 l #LevelHai l #IUvQG pic.twitter.com/aZ5jma8oIW

— PakistanSuperLeague (@thePSLt20) February 12, 2022

اس سے پہلے اسلام آباد یونائیٹڈ نے کوئٹہ گلیڈی ایٹرز کی دعوت پر پہلے بیٹنگ کی۔ اسلام آباد کی جانب سے ایلکس ہیلز نے 62 رنز کی شاندار اور جارحانہ اننگز کھیلی اور اپنی ٹیم کو اچھا آغاز فراہم کیا۔ تاہم شاہد آفریدی اور نور خان کی عمدہ گیند باز کی بدولت ایک موقع پر اسلام آباد کی 109 رنز پر چھ وکٹیں گر گئیں۔ اس موقع پر فہیم اشرف نے 28 گیندوں پر 55 رنز کی یادگار اننگز کھیل کر ٹیم کا ٹوٹل 200 رنز تک پہنچا دیا۔ کوئٹہ گلیڈی ایٹرز کے شاہد آفریدی اور جیمز فولکنر نے دو دو کھلاڑیوں کو آؤٹ کیا۔کپتان سرفراز احمد کو ناقابل شکست 50 رنز بنانے پر میچ کے بہترین کھلاڑی کے ایوارڈ سے نوازا گیا

Quetta Gladiators with back to back wins. They look a different side with Jason Roy at the top of their batting order #PSL7 pic.twitter.com/fTWYHfxsSk

— Saj Sadiq (@SajSadiqCricket) February 12, 2022

پی ایس ایل سیزن 7 کے پوائنٹس ٹیبل پر ملتان سلطانز پہلے نمبر پر براجمان ہے جبکہ لاہور قلندرز دوسری پوزیشن پر ہے۔ اسلام آباد یونائیٹڈ تیسری اور کوئٹہ گلیڈی ایٹرز چوتھی پوزیشن پر براجمان ہیں۔